ചേളാരി: സമസ്ത 100-ാം വാര്‍ഷികത്തിലേക്ക് എന്ന പ്രമേയവുമായി ജനുവരി മുതല്‍ മെയ് വരെയുള്ള പഞ്ചമാസ കാംപയിനിന്റെ ഭാഗമായി സമസ്തയുടെ സ്ഥാപനങ്ങളില്‍ പഠിച്ചുകൊണ്ടിരിക്കുന്ന വിദ്യാര്‍ഥികളുടെ യൂനിയന്‍ ഭാരവാഹികളുടെയും പൂര്‍വവിദ്യാര്‍ഥി യൂനിയന്‍ ഭാരവാഹികളുടെയും ലീഡേഴ്‌സ് മീറ്റ് നാളെ കാലത്ത് 10 ന് ചേളാരി സമസ്താലയത്തില്‍ നടക്കും. പൂര്‍വ വിദ്യാര്‍ഥി യൂനിയന്‍ കൂട്ടായ്മ രൂപപ്പെടുത്തുന്നതടക്കമുള്ള കാര്യങ്ങള്‍ യോഗത്തില്‍ ചര്‍ച്ച ചെയ്യും.
സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യുന്ന സംഗമത്തില്‍ ജന. സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ അധ്യക്ഷനാകും. വിദ്യാഭ്യാസ ബോര്‍ഡ് സെക്രട്ടറി എം. ടി അബ്ദുല്ല മുസ്‌ലിയാര്‍ മുഖ്യ പ്രഭാഷണം നടത്തും. ഡോ ബഹാഉദ്ദീന്‍ മുഹമ്മദ് നദ്‌വി, അബ്ദുല്‍ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, സത്താര്‍ പന്തല്ലൂര്‍ തുടങ്ങിയവര്‍ സംബന്ധിക്കും.