ചെര്‍പ്പുളശ്ശേരി: തിരുവാഴിയോട് തിരുനാരായണപുരം ഉത്രത്തില്‍ കാവ് ഭഗവതി ക്ഷേത്രത്തിലെ ഭരണി മഹോത്സവത്തിന് എഴുന്നള്ളിപ്പിനായി കൊണ്ടുവന്ന ആന ക്ഷേത്രത്തിന് സമീപത്തെ കിണറ്റില്‍ വീണു ചെരിഞ്ഞു.ബുധനാഴ്ച രാത്രി എട്ടുമണിയോടെയാണ് സംഭവം. എഴുന്നള്ളിപ്പ് കഴിഞ്ഞ് രാത്രി തിരിച്ചു കൊണ്ടുപോകുന്നതിനിടെയാണ് വിരണ്ടോടിയ ആന അബദ്ധത്തില്‍ കിണറ്റില്‍ വീണത്. 

ഗുരുവായൂര്‍ ശേഷാദ്രി എന്ന ആനക്കാണ് അപകടം സംഭവിച്ചത്. ആന വിരണ്ടത് കണ്ട് ഭയന്നോടിയ ഒരാള്‍ക്ക് പരുക്കുപറ്റി. തിരുവാഴിയോട് വാരിയത്തൊടി വീട്ടില്‍ മോഹന മേനോനാണ് പരുക്കേറ്റത്. ഇയാളെ ആശുപത്രിയില്‍ പ്രവേശിപ്പിച്ചു

രാത്രി പത്തരയോടെ ക്രെയിന്‍ ഉപയോഗിച്ച് ആനയെ പുറത്തെടുത്തു.