മുക്കം: വി. മുഹമ്മദ് മോന്‍ ഹാജിയുടെ ജീവിതം പുസ്തകമാകുന്നു. കാരമൂല ദാറുസ്വലാഹ് ഇസ്‌ലാമിക് അക്കാദമിയാണ് ഗ്രന്ഥം പ്രസിദ്ധീകരിക്കുന്നത്. പുസ്തക പ്രകാശനം 31ന് വൈകുന്നേരം 7 മണിക്ക് ദാറു സ്വലാഹില്‍ വച്ച് നടക്കുമെന്ന് പ്രസിദ്ധീകരണ സമിതി ചെയര്‍മാന്‍ നവാസ് ഓമശ്ശേരിയും കണ്‍വീനര്‍ നടുക്കണ്ടി അബൂബക്കറും അറിയിച്ചു.
300റോളം പേജുകളുള്ള പുസ്തകത്തില്‍ കേരളത്തിലെ മത, സാമൂഹിക, സാംസ്‌കാരിക രാഷ്ട്രീയ രംഗങ്ങളിലെ പ്രമുഖര്‍ മുഹമ്മദ് മോന്‍ ഹാജിയുടെ ജീവിതവുമായി ബന്ധപ്പെട്ട വൈവിധ്യങ്ങളായ അനുഭവങ്ങള്‍ പങ്കുവെക്കുന്നു.സമസ്ത കേരള ജംഇയ്യത്തുല്‍ ഉലമാ ജന. സെക്രട്ടറി പ്രഫ. കെ. ആലിക്കുട്ടി മുസ്‌ലിയാര്‍ പുസ്തകത്തിന്റെ പ്രകാശന കര്‍മം നിര്‍വഹിക്കും.
സംസ്ഥാന ഹജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി പുസ്തകം ഏറ്റുവാങ്ങും. എം.ഐ ഷാനവാസ് എം.പി, ജോര്‍ജ് എം. തോമസ് എം.എല്‍.എ, വി.ഇ മോയിമോന്‍ ഹാജി, മുക്കം ഉമര്‍ ഫൈസി, സി. മോയിന്‍കുട്ടി, സി.പി ചെറിയ മുഹമ്മദ്, എം.എ റസാഖ് മാസ്റ്റര്‍, ടി.കെ പരീക്കുട്ടി ഹാജി, ആര്‍.വി കുട്ടിഹസന്‍ ദാരിമി, കെ. മോയിന്‍കുട്ടി മാസ്റ്റര്‍, നാസര്‍ ഫൈസി കൂടത്തായി, സലാം ഫൈസി മുക്കം സംബന്ധിക്കും.