ബെയ്ജിങ്: പാകിസ്താന് ചൈന അത്യാധുനിക മിസൈല്‍ ട്രാക്കിങ് സംവിധാനം വിറ്റതായി റിപ്പോര്‍ട്ട്. എന്നാല്‍ എത്ര തുകക്കാണ് ഇത് കൈമാറ്റം ചെയ്തതെന്നത് വ്യക്തമല്ലെന്ന് ചൈനീസ് അക്കാദമി ഓഫ് സയന്‍സിനെ ഉദ്ധരിച്ച് സൗത്ത് ചൈന മോണിങ് പത്രം റിപ്പോര്‍ട്ട് ചെയ്തു.
പുതിയ മിസൈല്‍ പരീക്ഷണങ്ങളില്‍ കാര്യക്ഷമത ഉറപ്പാക്കുന്നതിനായി ഈ സംവിധാനങ്ങള്‍ പാകിസ്താന്‍ ഉപയോഗിച്ച് തുടങ്ങിയെന്നാണ് സൂചന.
ലോകത്തിലേറ്റവും വേഗതയേറിയ സൂപ്പര്‍ സോണിക് മിസൈലായ ബ്രഹ്മോസ് ഇന്ത്യ വിജയകരമായി വിക്ഷേപിച്ച ദിവസം തന്നെയാണ് പാകിസ്താന്‍ -ചൈന ആയുധ കൈമാറ്റ വിവരം പുറത്തു വിട്ടത്. അത്യാധുനിക മിസൈല്‍ ട്രാക്കിങ് സംവിധാനം ആദ്യമായാണ് പാകിസ്താന് ലഭിക്കുന്നത്.