വാടാനപ്പള്ളി: അന്തരിച്ച കോസ്റ്റ് ഫോര്‍ഡ് ഡയറക്ടര്‍ ടി.ആര്‍ ചന്ദ്രദത്തിന്റെ വീട് മുഖ്യമന്ത്രി പിണറായി വിജയന്‍ സന്ദര്‍ശിച്ചു. നെടുമ്പാശേരി വിമാനത്താവളത്തില്‍ നിന്നും കാര്‍ മാര്‍ഗം ഇന്നലെ രാത്രി എട്ട് ഇരുപതോടെ തളിക്കുളം കൊപ്രക്കളത്തെ വീട്ടിലെത്തിയ അദ്ദേഹം ചന്ദ്രദത്തിന്റെ സഹധര്‍മ്മിണി പദ്മാവതിയോടു വിവരങ്ങള്‍ ചോദിച്ചറിഞ്ഞു.
മക്കള്‍ ഹിരണ്‍ദത്ത്, നിരണ്‍ ദത്ത്. മരുമക്കള്‍ ഷീന, നടാഷ സഹോദരങ്ങളായ ടി.ആര്‍ അജയന്‍, ടി.ആര്‍ ഹാരി, മറ്റു കുടുംബാഗങ്ങള്‍ എന്നിവരുമായും സംസാരിച്ചു. ഇരുപതു മിനുറ്റു ചെലവഴിച്ച് 8.40 ഓടെയാണു മുഖ്യമന്ത്രി തൃശൂരിലേക്കു തിരിച്ചത്.
കെ. രാധാകൃഷ്ണന്‍, യു.പി ജോസഫ്, കെ.വി പീതാംബരന്‍, പ്രൊഫ. എം. മുരളീധരന്‍, പി.എം അഹമ്മദ്, എം.കെ ബാബു സ്ഥലത്തുണ്ടായിരുന്നു.