കുമളി: സംസ്ഥാന ഫിഷറീസ് വകുപ്പ് നടപ്പിലാക്കി വരുന്ന മത്സ്യ സമൃദ്ധി കക പദ്ധതി പ്രകാരം ശുദ്ധജല മത്സ്യകൃഷിക്കായി ഇടുക്കി ജില്ലയിലെ കര്‍ഷകരില്‍ നിന്നും അപേക്ഷ ക്ഷണിച്ചു. അപേക്ഷകര്‍ സ്വന്തമായോ പാട്ടത്തിനെടുത്തോ ആയ ജലാശയം ഉള്ളവരായിരിക്കണം.
അപേക്ഷാ ഫോറം വിവിധ തദ്ദേശ സ്വയംഭരണ സ്ഥാപനങ്ങളിലെ അക്വാകള്‍ച്ചര്‍ കോഓര്‍ഡിനേറ്റര്‍മാരുടെ പക്കല്‍ നിന്നോ ഫിഷറീസ് വകുപ്പിന്റെ കുമളിയിലുള്ള ഓഫീസില്‍ നിന്നോ ലഭിക്കും.
പൂരിപ്പിച്ച അപേക്ഷാ ഫോറം ഫിഷറീസ് അസിസ്റ്റന്റ് ഡയറക്ടര്‍, ഇടുക്കി, കുമളി പി.ഒ, പിന്‍685509 എന്ന വിലാസത്തില്‍  20 ന് വൈകിട്ട് അഞ്ചുമണിക്ക് മുമ്പായി ലഭിക്കണം.
കൂടുതല്‍ വിവരങ്ങള്‍ക്ക് ഫോണ്‍: 04869 222326.