കോഴിക്കോട്: ക്ഷേത്ര ഉത്സവത്തിനിടെ പൊലിസിനെ ആക്രമിച്ച സംഭവത്തിൽ രണ്ട് പേർ അറസ്റ്റിൽ. ഊരള്ളൂർ എടവനക്കുളങ്ങര ക്ഷേത്ര ഉത്സവത്തിൽ കഴിഞ്ഞ ദിവസം രാത്രിയാണ് സംഭവം നടന്നത്. ആർഎസ്എസ് പ്രവർത്തകരായ കൊയിലാണ്ടി പന്തലായനി സ്വദേശി അമൽ വിയ്യൂർ സ്വദേശി അജയ് എന്നിവരാണ് പിടിയിലായത്. പ്രദേശത്തെ സിപിഎം പ്രവർത്തകർ ഉത്സവുമായി ബന്ധപ്പെട്ട് സ്ഥാപിച്ച ഫ്ലെക്സിനെ ചൊല്ലി തർക്കം നിലനിന്നിരുന്നു.    

ഫ്ലെക്സിലെ വാചകം ശരിയല്ലെന്ന് ആരോപിച്ചുകൊണ്ട് ഇത് എടുത്ത് മാറ്റണമെന്ന് ആർഎസ്എസ് പ്രവർത്തകർ ആവശ്യപ്പെട്ടു. എന്നാൽ സിപിഎം പ്രവത്തകർ എതിർത്തതോടെ സംഘർഷത്തിലേക്ക് നീങ്ങുകയായിരിരുന്നു. പൊലിസ് സംഭവസ്ഥലത്തെത്തി ഇരു പാർട്ടി പ്രവർത്തകരോടും സംസാരിച്ചിരിച്ചുകൊണ്ട് പ്രശ്നമുണ്ടാക്കാതെ പിരിഞ്ഞുപോവാൻ ആവശ്യപ്പെട്ടു. എന്നാൽ ഇതിൽ പ്രകോപിതരായാണ് യുവാക്കൾ പൊലിസിനെ മർദിച്ചതെന്നാണ് വിവരം.