ബെംഗളൂരു: ഇന്ത്യൻ സൂപ്പർ ലീഗിൽ ബെംഗളൂരു എഫ്‌സിയെ വീഴ്ത്തി പഞ്ചാബ് എഫ്‌സി. ബെംഗളൂരുവിലെ തട്ടകമായ ശ്രീ കണ്ഠീരവ സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത രണ്ട് ഗോളുകൾക്കായിരുന്നു പഞ്ചാബിന്റെ ജയം. സീസണിലെ പഞ്ചാബിന്റെ വിജയമാണിത്. അതേസമയം സുനിൽ ഛേത്രിയുടെയും സംഘത്തിന്റെയും ആദ്യ പരാജയമാണിത്. 

എഫിയോങ് നുൻഗുസിയുടെ ഇരട്ട ഗോൾ കരുത്തിലാണ് പഞ്ചാബിന്റെ വിജയം. മത്സരത്തിന്റെ 20, 32 എന്നീ മിനിറ്റുകളിലായിരുന്നു താരത്തിന്റെ ഗോളുകൾ പിറന്നത്. രണ്ടാം പകുതിയിൽ സുനിൽ ഛേത്രിക്ക് മികച്ചൊരു അവസരം ലഭിച്ചിരുന്നു. എന്നാൽ ഗോളിനടുത്തെത്തിയ ഛേത്രിക്ക് ബെംഗളൂരു എഫ്സിക്കായി ലക്ഷ്യം കാണാനായില്ല. 

നിലവിൽ ഐഎസ്എൽ പോയിന്റ് പട്ടികയിൽ ആറാം സ്ഥാനത്താണ് ബെംഗളൂരു. മൂന്ന് മത്സരങ്ങളിൽ നിന്നും ഓരോ വീതം ജയവും തോൽവിയും സമനിലയുമായി നാല് പോയിന്റാണ് ബെംഗളൂരുവിന്റെ കൈവശമുള്ളത്. തൊട്ടുതാഴെ ഏഴാം സ്ഥാനത്തുമാണ് പഞ്ചാബ്. രണ്ട് മത്സരങ്ങളിൽ നിന്നും ഓരോ വീതം ജയവും തോൽവിയും അടക്കം മൂന്ന് പോയിന്റാണ് പഞ്ചാബിനുള്ളത്. 

ഐഎസ്എല്ലിൽ മാർച്ച് ഒമ്പതിന് നോർത്ത് ഈസ്റ്റ് യൂണൈറ്റഡിനെതിരെയാണ് പഞ്ചാബിന്റെ അടുത്ത മത്സരം. മാർച്ച് ഏഴിന് നടക്കുന്ന മത്സരത്തിൽ മുഹമ്മദൻസ് എഫ്സിയെയും ബെംഗളൂരു നേരിടും. 

Punjab FC defeated Bengaluru FC in the Indian Super League. Punjab won the match at the iconic Sri Kanteerava Stadium in Bengaluru by 2 goals to 0. This is Punjab's victory of the season. At the same time, this is the first defeat for Sunil Chhetri and his team.