ഗസ്സ: ഇസ്‌റാഈലുമായി അതിര്‍ത്തി പങ്കിടുന്ന ഗസ്സയില്‍ മാര്‍ച്ച് ഉള്‍പ്പെടെയുള്ള വന്‍ പ്രതിഷേധത്തിനൊരുങ്ങി ഹമാസ്. പ്രതിഷേധത്തിനായുള്ള കൂടാരങ്ങള്‍ നിര്‍മിക്കല്‍ ആരംഭിച്ചിട്ടുണ്ട്.
ഇസ്‌റാഈലിന്റെ കുടിയേറ്റത്തിനെതിരേയുള്ള പ്രതിഷേധങ്ങളാണ് വരും നാളുകള്‍ നടക്കുകയെന്ന് ഹമാസ് അറിയിച്ചു.
നാളെ മുതല്‍ പ്രതിഷേധ ഒരുക്കങ്ങള്‍ ആരംഭിക്കും. കൂടാതെ മെയ് 15നുള്ള ഫലസ്തീന്റെ നക്ബ വാര്‍ഷികദിന ഭാഗമായി പ്രതിഷേധങ്ങള്‍ ശക്തമാക്കാനാണ് തീരുമാനം.അതിര്‍ത്തി പ്രദേശങ്ങളില്‍ കൂടുതല്‍ കൂടാരങ്ങള്‍ പ്രതിഷേധങ്ങള്‍ക്കായി തയാറാക്കും. അതിര്‍ത്തിയില്‍ മാര്‍ച്ച് എത്തിയതിന് ശേഷം ഭാവി പരിപാടികള്‍ തീരുമാനിക്കുമെന്ന് ഹമാസ് ഔദ്യോഗിക വക്താവ് ഇസ്മായില്‍ റദ്വാന്‍.