കോഴിക്കോട്: ഏപ്രില്‍ 20,21, 22 തിയതികളിലായി കാസര്‍കോട് ജില്ലയിലെ കൈതക്കാട് നടക്കുന്ന സുന്നിമഹല്ല് ഫെഡറേഷന്‍ സംസ്ഥാന കമ്മിറ്റിയുടെ മഹല്ലു ശാക്തീകരണ ദൃശ്യാവിഷ്‌കാര പരിപാടി ലൈറ്റ് ഓഫ് മദീന സംഗമത്തില്‍ രജിസ്റ്റര്‍ ചെയ്ത മഹല്ലു പ്രതിനിധികള്‍ക്കുള്ള സന്ദര്‍ശന ദിവസം ജില്ല തിരിച്ച് ക്രമീകരിച്ചു.
മാര്‍ച്ച് 20 നു മുന്‍പ് ഓണ്‍ലൈനായി രജിസ്റ്റര്‍ ചെയ്ത മഹല്ലുകളിലെ ഭാരവാഹികളില്‍ നിന്നും തെരഞ്ഞെടുക്കപ്പെട്ട പ്രതിനിധികള്‍ക്കാണ് അവസരമൊരുക്കുന്നത്. പ്രതിനിധികള്‍ മുന്‍കൂട്ടി നിശ്ചയിച്ച ക്രമം പാലിച്ചാണ് സന്ദര്‍ശന ദിവസം ക്രമീകരിക്കേണ്ടത്. പ്രതിനിധികളെ എസ്.എം.എഫ് മുഖേന നേരിട്ട് അറിയിക്കുന്നതാണ്.
ഏപ്രില്‍ 20 വെള്ളി - കാസര്‍കോട്, കണ്ണൂര്‍, മംഗലാപുരം, ഏപ്രില്‍ 21 ശനി - മലപ്പുറം, നീലഗിരി, കൊടക്, എറണാകുളം, ഏപ്രില്‍ 22- കോഴിക്കോട്, തൃശൂര്‍, വയനാട്, ഇടുക്കി, പാലക്കാട്, പത്തനംതിട്ട, ആലപ്പുഴ, കൊല്ലം, കോട്ടയം, തിരുവനന്തപുരം, കന്യാകുമാരി, ബംഗളൂരു എന്നിങ്ങനെയാണ് ദിവസങ്ങള്‍ ക്രമീകരിച്ചിരിക്കുന്നത്.