പയ്യന്നൂര്‍: രാമന്തളിയില്‍ വീട്ടുമുറ്റത്ത് നിര്‍ത്തിയിട്ടിരുന്ന സ്‌കൂട്ടറുകള്‍ കത്തിച്ചു. കുന്നരു കാരന്തട്ടെ കൂലേരി സുരേന്ദ്രന്റെയും ഭാര്യ കെ.വി ഷീനയുടെയും സ്‌കൂട്ടറുകളാണ് ഇന്നലെ പുലര്‍ച്ചെ 2.30ഓടെ അഗ്‌നിക്കിരയാക്കിയത്.
കുഞ്ഞിമംഗലം അണിക്കര ക്ഷേത്രകമ്മറ്റി അംഗമായ സുരേന്ദ്രന്‍ ഉപക്ഷേത്രമായ കുന്നരു അണിക്കര ക്ഷേത്ര ഓഡിറ്റോറിയം സെക്രട്ടറിയുമായും പ്രവര്‍ത്തിക്കുന്നുണ്ട്. കോണ്‍ഗ്രസ് അനുഭാവിയാണ്.
എന്നാല്‍ സംഭവത്തില്‍ രാഷ്ട്രീയമില്ലെന്ന് പൊലിസ് പറയുന്നു. അടുത്ത കാലത്തായി ക്ഷേത്ര കമ്മിറ്റിയുമായി ബന്ധപ്പെട്ട് ഇരുവിഭാഗങ്ങള്‍ ഏറ്റുമുട്ടുകയും പൊലിന് കേസെടുക്കുകയും ചെയ്തിരുന്നു.