HOME
DETAILS

മെക്കാഡം ടാറിങ് നടത്തിയ ആമ്പല്ലൂര്‍ വരന്തരപ്പിള്ളി റോഡ് തകര്‍ന്നു

  
backup
March 30 2018 | 06:03 AM

%e0%b4%ae%e0%b5%86%e0%b4%95%e0%b5%8d%e0%b4%95%e0%b4%be%e0%b4%a1%e0%b4%82-%e0%b4%9f%e0%b4%be%e0%b4%b1%e0%b4%bf%e0%b4%99%e0%b5%8d-%e0%b4%a8%e0%b4%9f%e0%b4%a4%e0%b5%8d%e0%b4%a4%e0%b4%bf%e0%b4%af

 


പുതുക്കാട് : മെക്കാഡം ടാറിങ് നടത്തിയ ആമ്പല്ലൂര്‍ വരന്തരപ്പിള്ളി റോഡ് തകര്‍ന്നു. പല ഭാഗങ്ങളിലും റോഡിന്റെ വശങ്ങള്‍ വിണ്ടുകീറിയ നിലയില്‍. ഒരു വര്‍ഷം മുന്‍പാണു റോഡ് മെക്കാഡം ടാറിങ്ങ് പൂര്‍ത്തീകരിച്ചത്. അഞ്ചു വര്‍ഷ ഗ്യാരണ്ടിയില്‍ ആധുനിക രീതിയില്‍ ടാറിംഗ് നടത്തിയെങ്കിലും റോഡിന്റെ വശങ്ങള്‍ സുരക്ഷിതമാക്കാതിരുന്നതാണു പ്രശ്‌നത്തിനു കാരണം. ടാറിങ്ങില്‍ പാകപിഴ വന്ന സ്ഥലങ്ങളില്‍ റോഡു താഴ്ന്നും വിണ്ടുകീറിയും കൂടുതല്‍ ഭാഗങ്ങളിലേക്കു വ്യാപിക്കുകയാണ് . വാഹനതിരക്കുള്ള റോഡില്‍ വശങ്ങള്‍ ഇടിഞ്ഞു തുടങ്ങിയതോടെ അപകടങ്ങള്‍ക്കും സാധ്യതയേറെയാണ്. കാളക്കല്ല്, വരാക്കര ഇടങ്ങളില്‍ തുറസായ കാനയോടു ചേര്‍ന്നു റോഡു തകര്‍ന്നതോടെ വാഹനങ്ങള്‍ കാനയിലേക്കു തെന്നിവീണു അപകടം ഉണ്ടാകാന്‍ ഇടയുണ്ട്. വീതി കുറവുള്ള ഭാഗങ്ങളില്‍ റോഡു തകര്‍ന്നു തുടങ്ങിയതും റോഡിലേക്കു തള്ളിനില്‍ക്കുന്ന ഇലക്ട്രിക് പോസ്റ്റുകളും അപകടങ്ങള്‍ക്കു വഴിവെക്കുകയാണ്. ലക്ഷങ്ങള്‍ ചിലവഴിച്ചു പൊതുമരാമത്ത് വകുപ്പാണു റോഡു മെക്കാഡം ടാറിംഗ് നടത്തിയത്. റോഡിന്റെ ഇരുവശങ്ങളും കെട്ടി സംരക്ഷിക്കണമെന്നും കാനകള്‍ സ്ലാബിട്ടു സുരക്ഷയൊരുക്കണമെന്നും നിര്‍മ്മാണ സമയത്തുതന്നെ നാട്ടുകാര്‍ ആവശ്യപ്പെട്ടെങ്കിലും അധികൃതര്‍ നടപടിയെടുത്തിരുന്നില്ല. മെക്കാഡം ടാറിംഗ് നടത്തി റോഡ് ഉയരുകയും അവിടെ മണ്ണിട്ട് നികത്താതെ വന്നതോടെ ഇരുചക്രവാഹനങ്ങള്‍ വശങ്ങളില്‍ തെന്നി വീഴുന്നതും പതിവാണ്. വേഗത സൂചനാ ബോര്‍ഡുകള്‍ സ്ഥാപിക്കാത്തതും അപകടങ്ങള്‍ക്കു വഴിയൊരുക്കുന്നുണ്ട്. പൊതുമരാമത്ത് വകുപ്പ് അധികൃതര്‍ ഇടപെട്ടു തകര്‍ന്നു കൊണ്ടിരിക്കുന്ന റോഡ് ടാറിംഗ് നടത്തി യാത്രക്കാരുടെ സുരക്ഷ ഉറപ്പാക്കണമെന്നു നാട്ടുകാര്‍ ആവശ്യപ്പെട്ടു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."