HOME
DETAILS

കശ്മീര്‍: അഞ്ചുവര്‍ഷത്തിലധികമായി വീട്ടുതടങ്കലിലായിരുന്ന സയ്യിദ് അലി ഷാ ഗിലാനിയെ മോചിപ്പിച്ചു

  
backup
March 30 2018 | 13:03 PM

separatist-leader-syed-ali-shah-geelani-released

ശ്രീനഗര്‍: ജമ്മു കശ്മീരിലെ വിഘടനവാദീ നേതാവ് സയ്യിദ് അലി ഷാ ഗീലാനിയെ വീട്ടുതടങ്കലില്‍ നിന്ന് മോചിപ്പിച്ചു. അഞ്ചു വര്‍ഷത്തിലേറെയായി ഇദ്ദേഹം വീട്ടുതടങ്കലിലായിരുന്നു. തെഹ്‌രീഖേ ഹുരിയത്ത് എന്ന സംഘടനയുടെ ചെയര്‍മാനായിരുന്നു.

വെള്ളിയാഴ്ച മോചിതനായ അലി ഷായ്ക്ക് നാട്ടിലെ പള്ളിയില്‍ ജുമുഅയ്ക്ക് സംബന്ധിക്കാന്‍ അവസരം നല്‍കി. അലി ഷായ്ക്ക് പകരം തെഹ്‌രീഖേ ഹുരിയ്യത്തിന്റെ ചെയര്‍മാന്‍ സ്ഥാനം ഏറ്റെടുത്ത മുഹമ്മദ് അഷ്‌റഫ് സെഹ്‌റായിക്കൊപ്പമാണ് പള്ളിയില്‍ പോയത്.

മോചിതനായ വിവരം അറിഞ്ഞ് നൂറു കണക്കിനാളുകള്‍ പള്ളിയിലെത്തി അലി ഷായെ സന്ദര്‍ശിച്ചു.

രാഷ്ട്രീയ, സംഘടനാ പ്രവര്‍ത്തനത്തിനും അലി ഷായ്ക്ക് പൊലിസ് അനുമതി നല്‍കിയിട്ടുണ്ട്. അലി ഷാ, മിര്‍വായിസ് ഉമര്‍ ഫാറൂഖ്, യാസീന്‍ മാലിക്ക് തുടങ്ങിയ നേതാക്കള്‍ക്ക് രാഷ്ട്രീയ, സാമൂഹ്യ മേഖലകളില്‍ ഇടപെടാമെന്ന് ഡി.ജി.പി എസ്.പി വാഹിദ് പറഞ്ഞു.


 

 

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."