മിലാന്‍: മുന്‍ താരം ഗന്നാരോ ഗട്ടുസോ ഇറ്റാലിയന്‍ സീരി എ ടീം എ.സി മിലാന്റെ പരിശീലകനായി തുടരും.ചുരുങ്ങിയ സമയം കൊണ്ട് മിലാന്റെ പ്രകടനത്തില്‍ കാര്യമായ മാറ്റങ്ങള്‍ വരുത്തി അവരെ വിജയ സംഘമാക്കിതോടെയാണ് ഗട്ടുസോയുടെ കരാര്‍ നീട്ടാന്‍ ടീം അധികൃതര്‍ താത്പര്യം പ്രകടിപ്പിച്ചത്.
കഴിഞ്ഞ നവംബറില്‍ വിന്‍സെന്‍സോ മൊണ്ടെല്ലയുടെ പകരക്കാരനായാണ് ഗട്ടുസോയെ താത്കാലിക കോച്ചായി നിയമിച്ചത്. എന്നാല്‍ ഗട്ടുസോയുടെ കീഴില്‍ മിലാന്‍ പഴയ പ്രതാപത്തിലേക്ക് പോകുന്നതിന്റെ സൂചനകള്‍ സീസണില്‍ പ്രകടിപ്പിച്ചതോടെയാണ് മുന്‍ താരത്തെ നിലനിര്‍ത്താന്‍ ക്ലബ് തീരുമാനിച്ചത്.