ന്യൂഡല്‍ഹി:വിവാദമായ കന്നുകാലി കശാപ്പു നിരോധന വിജ്ഞാപനത്തില്‍ കേന്ദ്രം ഇളവ് വരുത്തി. കശാപ്പിനായാണ് വില്‍ക്കുന്നതെന്ന സാക്ഷ്യപത്രം വേണമെന്ന ഉപാധി പിന്‍വലിച്ചു. ആരോഗ്യം ഇല്ലാത്തവയേയും പ്രായം കുറഞ്ഞവയേയും കശാപ്പു ചെയ്യരുത് എന്ന ഭേദഗതിയും വിജ്ഞാപനത്തില്‍ കൊണ്ടു വന്നിട്ടുണ്ട്.

സംസ്ഥാന അതിര്‍ത്തികളില്‍ കന്നുകാലിച്ചന്ത പാടില്ലെന്ന വ്യവസ്ഥ നീക്കി. ഇളവ് വരുത്തിയ ചട്ടത്തിന്റെ പകര്‍പ്പ് വനം പരിസ്ഥിതി മന്ത്രാലയം പ്രസിദ്ധീകരിച്ചു.