പെരിന്തല്‍മണ്ണ: സിനിമ കാണാനെത്തിയ യുവതിയെ ശല്യം ചെയ്ത സംഭവത്തില്‍ മൂന്നു പേരെ പെരിന്തല്‍മണ്ണയിലെ കോടതിയില്‍ ഹാജരാക്കി റിമാന്‍ഡ് ചെയ്തു.
കീഴാറ്റൂര്‍ ആലിക്കപ്പറമ്പ് കുന്നത്തൊടി ഷരീഫ്(42), കീഴാറ്റൂര്‍ ചൂരക്കുത്ത് ഷൗക്കത്തലി (36), കീഴാറ്റൂര്‍ പരുത്തിക്കുത്ത് ലുഖ്മാനുല്‍ ഹക്കീം (36) എന്നിവരാണ് റിമാന്‍ഡില്‍ കഴിയുന്നത്. കഴിഞ്ഞ ഞായറാഴ്ച രാത്രി ഒന്‍പതോടെയാണ് കേസിനാസ്പദമായ സംഭവം. കൊളത്തൂര്‍ സ്വദേശിയായ യുവതിയും ഭര്‍ത്താവും ബന്ധുവും ചേര്‍ന്ന് പെരിന്തല്‍മണ്ണയിലെ കെ.സി തിയ്യേറ്ററില്‍ സിനിമ കാണുന്നതിനിടെ പിറകിലെ സീറ്റിലിരുന്നിരുന്നവര്‍ യുവതിയെ ശല്യം ചെയ്യുകയായിരുന്നു. പിറകിലിരുന്നവരോട് മാന്യമായി ഇരിക്കാന്‍ യുവതിയുടെ ഭര്‍ത്താവ് ആവശ്യപ്പെട്ടെങ്കിലും ശല്യം വീണ്ടും തുടര്‍ന്നു. സഹിക്കവയ്യാതെയായതോടെ യുവതി സീറ്റ് മാറിയിരുന്നെങ്കിലും പിറകിലിരിക്കുന്നയാള്‍ തിയേറ്ററില്‍നിന്നും പുറത്തേക്കിറങ്ങി വീണ്ടും യുവതിക്ക് പിറകിലെ സീറ്റില്‍ വന്നിരിക്കുകയും ശല്യം തുടരുകയും ചെയ്തു. തുടര്‍ന്ന് തിയേറ്ററിലെ ജീവനക്കാര്‍ പെരിന്തല്‍മണ്ണ പൊലിസ് സ്റ്റേഷനില്‍ വിവരമറിയിച്ചതിനെത്തുടര്‍ന്ന് പൊവിസെത്തി ഇവരെ കസ്റ്റഡിയിലെടുത്തു.