ബെയ്ജിങ്: തര്‍ക്ക പ്രദേശമായ തെക്കന്‍ ചൈനാകടലില്‍ വന്‍ നാവികാഭ്യാസവുമായി ചൈനീസ് സൈന്യം. ചൈനയുടെ തന്നെ ചരിത്രത്തിലെ ഏറ്റവും വലിയ നാവിക സൈനികാഭ്യാസമാണ് കടലില്‍ നടക്കുന്നത്.
ചൈനീസ് സൈന്യമായ പീപ്പിള്‍സ് ലിബറേഷന്‍ ആര്‍മി(പി.എല്‍.എ)യുടെ ഏറ്റവും അത്യാധുനികമായ ആയുധങ്ങള്‍ അഭ്യാസത്തിന്റെ ഭാഗമായി പ്രദര്‍ശിപ്പിക്കുന്നുണ്ട്. രാജ്യത്തിന്റെ വിമാനവാഹിനിക്കപ്പലും ഇതാദ്യമായി പ്രദര്‍ശിപ്പിക്കുന്നു. പ്രസിഡന്റ് ഷി ജിന്‍പിങ് സ്ഥലത്തെത്തി സൈനികാഭ്യാസം വിലയിരുത്തുകയും സൈനികരെ അഭിസംബോധന ചെയ്യുകയും ചെയ്തു.
48 യുദ്ധക്കപ്പലുകള്‍, 76 യുദ്ധ വിമാനങ്ങള്‍, 10,000ത്തിലേറെ നാവികരും സൈനികരും എന്നിങ്ങനെ സൈനികാഭ്യാസത്തില്‍ പങ്കെടുത്തു.
ആധുനിക ചൈനയുടെ ചരിത്രത്തിലെ ഏറ്റവും വലിയ നാവികാഭ്യാസമാണിതെന്നാണ് പി.എല്‍.എ മുഖപത്രം വ്യക്തമാക്കിയത്.