പാലക്കാട്: സുപ്രഭാതം പാലക്കാട് ബ്യൂറോ റിപ്പോര്‍ട്ടര്‍ വി.എം ഷണ്‍മുഖദാസിന് അംബേദ്കര്‍ ഹൈയസ്റ്റ് എക്‌സലന്റ് പുരസ്‌കാരം. അംബേദ്ക്കര്‍ ആഘോഷ കമ്മിറ്റി ഏര്‍പ്പെടുത്തിയതാണ് അവാര്‍ഡ്. തിരുവനന്തപുരം കനകക്കുന്ന് കൊട്ടാരത്തില്‍ നടന്ന ചടങ്ങില്‍ മലയാളം സര്‍വകലാശാല മുന്‍ വൈസ് ചാന്‍സലര്‍ കെ.ജയകുമാരില്‍ നിന്നും ഷണ്‍മുഖദാസ് പുരസ്‌കാരം ഏറ്റുവാങ്ങി. ദലിത് - ആദിവാസികളുടെ പ്രശ്‌നങ്ങള്‍ സമൂഹത്തിനു മുന്നില്‍ എത്തിക്കുന്നതിലും, പ്ലാച്ചിമടയിലെ ലോകപ്രശസ്തമായ കൊക്കക്കോള സമരം, ഗോവിന്ദാപുരത്തെ അയിത്തം തുടങ്ങിയ ദലിത് - ആദിവാസി സമരങ്ങളെ അധികൃതരുടെ ശ്രദ്ധയില്‍ കൊണ്ടുവരാനും നടപടികളുണ്ടാക്കാനും കഴിഞ്ഞുവെന്നത് പരിഗണിച്ചാണ് അവാര്‍ഡ്. കഴിഞ്ഞ മുപ്പതു വര്‍ഷമായി പത്രപ്രവര്‍ത്തന രംഗത്ത് പ്രവര്‍ത്തിക്കുന്ന ഷണ്‍മുഖദാസിന് നേരത്തെ പുതുച്ചേരി ആരോവില്ല ഫൗണ്ടേഷന്‍ ഏര്‍പ്പെടുത്തിയ ഗ്രീന്‍ ജേര്‍ണലിസ്റ്റ് അവാര്‍ഡും ലഭിച്ചിട്ടുണ്ട്. പാലക്കാട് വണ്ടിത്താവളം മൂപ്പന്‍കുളം സ്വദേശിയാണ്. ഭാര്യ: അംബിക, മകന്‍: ഷബിന്‍കുമാര്‍.എം.എസ്.