പൊന്നാനി: മഴക്കാല പൂര്‍വ്വ ശുചീകരണ പരിപാടികള്‍ക്ക് പൊന്നാനി നരസഭയില്‍ തുടക്കമായി.17ാം വാര്‍ഡിലെ സാനിറ്ററി കമ്മിറ്റിയുടെ നേതൃത്വത്തിലാണ് ശുചീകരണ പരിപാടികള്‍ക്ക് തുടക്കം കുറിച്ചത്.ആരോഗ്യ ജാഗ്രത പ്രവര്‍ത്തനത്തിന്റെ ഭാഗമായി വാര്‍ഡില്‍ ഏഴ് സ്‌ക്വാഡുകളായാണ് പ്രവര്‍ത്തനം ആരംഭിച്ചത്. മുഴുവന്‍ വീടുകളിലും കയറി ശുചിത്വ മാപ്പിംഗ് ആരംഭിക്കുകയും ചെയ്തു. കുടുംബശ്രീ പ്രവര്‍ത്തകരുടേയും ആരോഗ്യ സാമൂഹ്യ പ്രവര്‍ത്തകരുടേയും നേതൃത്വത്തിലാണ് ശുചീകരണ പ്രവര്‍ത്തനങ്ങള്‍ നടക്കുന്നത്. തുടര്‍ന്ന് വാര്‍ഡ് തല സമ്പൂര്‍ണ ശുചിത്വ ആരോഗ്യ പരിപാടിക്ക് രൂപം കൊടുക്കാനാണ് തീരുമാനിച്ചിട്ടുള്ളത്. മഴക്കാലപൂര്‍വ്വ ശുചീകരണ പരിപാടി നഗരസഭ ചെയര്‍മാന്‍ സി.പി മുഹമ്മദ് കുഞ്ഞി ഉദ്ഘാടനം ചെയ്തു. ജെ.എച്ച്.ഐ. എസ് ജോഷി, എ.ഡി.എസ് പ്രസിഡന്റ് രഞ്ജിനി, സി.കമലം,ശ്രീരഞ്ജിനി, നളിനി,ബിന്ദു,വസന്ത എന്നവര്‍ നേതൃത്വം നല്‍കി.