കാസര്‍കോട്: പിഞ്ചുകുഞ്ഞിനെ പരിയാരത്ത് നിന്നും വേഗത്തില്‍ തിരുവനന്തപുരത്തെത്തിച്ച അടുക്കത്ത് ബയല്‍ സ്വദേശി ആംബുലന്‍സ് ഡ്രൈവര്‍ തമീമിന് വീണ്ടും യുവാവിനെ ആറ് മണിക്കൂറുകൊണ്ട് മംഗളൂരുവില്‍ നിന്ന് എറണാകുളത്തേക്ക് എത്തിക്കാന്‍ നിയോഗം.
ഇത്തവണ മജ്ജ മാറ്റിവെക്കല്‍ ശസ്ത്രക്രിയക്കു വേണ്ടിയാണ് മംഗളൂരുവില്‍ നിന്ന് എറണാകുളത്തെത്തിക്കാന്‍ ഡോക്ടര്‍മാര്‍ നിര്‍ദേശിച്ചത്.
രോഗിയെയും കൊണ്ട് ഇന്നലെ ഉച്ചയ്ക്ക് 2.30ന് ആംബുലന്‍സ് മംഗളൂരുവില്‍ നിന്നും പുറപ്പെട്ടു. ആംബുലന്‍സിന് വഴിയൊരുക്കാന്‍ പൊലിസും പൊതു ജനങ്ങളും കൈകോര്‍ത്തു.
കാനത്തൂരിലെ സുധീഷിനെ(34)യാണ് മംഗളൂരു കെ.എം.സി ആശുപത്രിയില്‍ നിന്ന് അമൃത ആശുപത്രിയിലേക്ക് കൊണ്ടുപോയത്. കെ.എല്‍. 14.എല്‍. 4247 സി.എം.സി.സിയുടെ ആംബുലന്‍സിലാണ് രോഗിയെ കൊണ്ടുപോകാനുള്ള ദൗത്യം തമീം ഏറ്റെടുത്തത്.