പുത്തനത്താണി: പൂവ്വന്‍ചിനയില്‍ വീണ്ടും അറവ് മാലിന്യം തള്ളി. മാറാക്കര പഞ്ചായത്തില്‍ സ്വകാര്യ വ്യക്തിയുടെ ആളൊഴിഞ്ഞ പറമ്പിലാണ് മാലിന്യം തള്ളിയിരിക്കുന്നത്.
അസഹ്യമായ ദുര്‍ഗന്ധം മൂലം പരിസരത്തു താമസിക്കുന്നവരും തൊട്ടടുത്ത റോഡിലൂടെ യാത്ര ചെയ്യുന്നവരും വളരെയധികം പ്രയാസപ്പെട്ടാണ് ഇതിലൂടെ യാത്ര ചെയ്തിരുന്നത്.
മാസങ്ങള്‍ക്കു മുമ്പ് പുവ്വന്‍ചിനയില്‍ തന്നെ തൊട്ടടുത്ത സ്ഥലത്ത് ഇതെ രീതിയില്‍ അറവ് മാലിന്യങ്ങള്‍ തള്ളിയിരുന്നു. ഇന്നലെ വൈകുന്നേരത്തോടെ നാട്ടുകാര്‍ ചേര്‍ന്ന് മാലിന്യം സംസ്‌കരിച്ചു. അറവ് മാലിന്യങ്ങള്‍കടകളില്‍ നിന്ന് ശേഖരിച്ച് സംസ്‌കരിക്കാതെ റോഡിലും മറ്റും അലക്ഷ്യമായി തള്ളുന്നവര്‍ക്കെതിരേ നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.