യാത്രക്കാർക്ക് വമ്പൻ ഡിസ്‌കൗണ്ടുമായി രാജ്യത്തെ ബജറ്റ് എയർലൈനായ ഇൻഡിഗോ. വാലൻ്റൈൻസ് ഡേ അനുബന്ധിച്ചാണ് ഇൻഡി​ഗോയുടെ ഓഫർ. പ്രണയിതാക്കൾക്ക്, അല്ലെങ്കിൽ കപ്പിൾസിനാണ് ഓഫർ ലഭിക്കുക. അതായത് രണ്ട് ടിക്കറ്റുകൾ  ഒരുമിച്ച് ബുക്ക് ചെയ്താൽ ഈ ഓഫർ ലഭിക്കും. അടിസ്ഥാന നിരക്കിൽ 50% വരെ ഇളവാണ്‌ എയർലൈൻ വാഗ്ദാനം ചെയ്യുന്നത്. ഫെബ്രുവരി 12 മുതൽ 16 വരെ മാത്രമായിരിക്കും ഈ ഓഫർ ലഭിക്കുക. 

വാലൻ്റൈൻസ് ഡേ വില്പനഅനുസരിച്ച് ടിക്കറ്റ് ബുക്ക് ചെയ്യുമ്പോൾ യാത്രാ തീയതികൾ ബുക്കിംഗ് തീയതി കഴിഞ്ഞ് കുറഞ്ഞത് 15 ദിവസമെങ്കിലും കഴിഞ്ഞായിരിക്കണം. തിരഞ്ഞെടുത്ത ആഭ്യന്തര, അന്തർദേശീയ റൂട്ടുകളിൽ മാത്രമായിരിക്കും ഓഫർ ലഭിക്കുക. ഇൻഡിഗോയുടെ വെബ്സൈറ്റ്, മൊബൈൽ ആപ്പ് എന്നിവ വഴി ടിക്കറ്റ് ബുക്ക് ചെയ്യാവുന്നതാണ്.  

മാത്രമല്ല ഫെബ്രുവരി 14-ന് ഇൻഡിഗോ മറ്റൊരു ഫ്ലാഷ് സെയിൽ സംഘടിപ്പിക്കുന്നുണ്ട്. ഇതനുസരിച്ച്, ഇൻഡിഗോയുടെ വെബ്‌സൈറ്റിലൂടെയോ, മൊബൈൽ ആപ്പിലൂടെയോ ടിക്കറ്റ് ബുക്ക് ചെയ്യുന്ന ആദ്യത്തെ 500 പേർക്കാണ് 10% അധിക കിഴിവ് ലഭിക്കുക.

അതേസമയം, ഭക്ഷണം മുൻകൂട്ടി ബുക്ക് ചെയ്താൽ 10% കിഴിവും എയർലൈൻ വാഗ്ദാനം ചെയ്യുന്നു, കൂടാതെ,  നിർദ്ദിഷ്ട റൂട്ടുകളിലെ ആഭ്യന്തര, അന്തർദേശീയ ഫ്ലൈറ്റുകൾക്ക് പ്രീ-പെയ്ഡ് ബാഗേജുകൾക്ക് 15% വരെ കിഴിവ് ലഭിക്കുകയും, കൂടാതെ ഇഷ്ടമുള്ള സീറ്റ് തിരഞ്ഞെടുക്കുന്ന യാത്രക്കാർക്ക് അതിനു നൽകുന്ന ഫീസിൽ നിന്ന് 15% കിഴിവും ലഭിക്കുന്നതാണ്. കൂടുതൽ വിവരങ്ങൾക്കായി ഇൻഡിഗോ എയർലൈൻസിൻറെ വെബ്സൈറ്റ് സന്ദർശിക്കുക. 

IndiGo's Valentine's Day offer is here