കമ്മാടം: ഇത്തവണയും പതിവു തെറ്റിയില്ല; കമ്മാടം മഖാം ഉറൂസിന് നെരോത്ത് പെരട്ടൂര്‍ കൂലോം ക്ഷേത്രഭാരവാഹികളെത്തി. വര്‍ഷങ്ങളായുള്ള മതസൗഹാര്‍ദ്ദ സംഗമമാണ് ഇത്തവണയും നടന്നത്. ക്ഷേത്ര ഭാരവാഹികളെ കമ്മാടം ജമാഅത്ത് ഭാരവാഹികള്‍ സ്വീകരിച്ചിരുത്തി കരിക്കു നല്‍കി. തുടര്‍ന്ന് ജുമാ നിസ്‌കാരാനന്തരം നെരോത്തച്ഛനും ഭാരവാഹികളും മഖാം തുറന്നു ഭണ്ഡാരത്തില്‍ കാണിക്കയര്‍പ്പിച്ചു.
തുടര്‍ന്നുനടന്ന സാംസ്‌കാരികസമ്മേളനം കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി ഉദ്ഘാടനം ചെയ്തു. സുബൈര്‍ കമ്മാടത്ത് അധ്യക്ഷനായി. എ. ഹമീദ് ഹാജി, ജാതിയില്‍ ഹസിനാര്‍, ഹുസൈന്‍ ഹുദവി, ക്ഷേത്രം ഭാരവാഹി ബാലകൃഷ്ണന്‍, യു.വി മുഹമ്മദ് കുഞ്ഞി, ഷരീഫ് കമ്മാടം, കെ.പി സുല്‍ഫിക്കര്‍, താജുദ്ദീന്‍ കമ്മാടം സംസാരിച്ചു.
തുടര്‍ന്നു വാഴക്കുല നല്‍കിയാണ് ക്ഷേത്രം ഭാരവാഹികളെ യാത്രയാക്കിയത്.