പൈനാവ്: ലോക പരിസ്ഥിതിദിനാചരണത്തിന്റെയും മഴക്കാല പൂര്‍വ ശുചീകരണത്തിന്റെയും ഭാഗമായി ജില്ലയിലെ വിവിധ ഓഫീസുകളും പരിസരവും വൃത്തിയാക്കി.
കലക്ട്രേറ്റില്‍ ജില്ലാ കലക്ടര്‍ ഡോ.എ കൗശിഗന്‍ ശുചീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി. വകുപ്പ് തലവന്മാരും ഉന്നത ഉദ്യോഗസ്ഥരും പങ്കെടുത്തു. ജൈവ അജൈവ മാലിന്യങ്ങളും പ്ലാസ്റ്റിക്കും വേര്‍തിരിച്ചുകൊണ്ടായിരുന്നു ശുചീകരണം.  പരിസ്ഥിതി ദിനാചരണത്തിന്റെ ഭാഗമായി എന്‍ജിനീയറിങ് കോളജില്‍ നടന്ന വൃക്ഷത്തൈ  നടീല്‍ ജില്ലാ കലക്ടര്‍ ഡോ. എ.കൗശിഗന്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ആന്‍സി തോമസ്, പഞ്ചായത്ത് അംഗങ്ങള്‍, പ്രിന്‍സിപ്പല്‍, അധ്യാപകര്‍, ജീവനക്കാര്‍, വിദ്യാര്‍ഥികള്‍  പങ്കെടുത്തു.