തൊടുപുഴ:  90 കിലോ കഞ്ചാവ് കണ്ടെടുത്ത കേസില്‍ ഉടുമ്പുന്‍ചോല കല്‍ക്കൂന്തല്‍ കളത്തുകുന്നേല്‍ പോളിനെ തൊടുപുഴ എന്‍ഡിപിഎസ് സ്‌പെഷല്‍ കോടതി ജഡ്ജി എസ്. ഷാജഹാന്‍ വിട്ടയച്ചു.
2014 ജനുവരി 12 നായിരുന്നു കേസിനാസ്പദമായ സംഭവം. നാലു ചണചാക്കുകളിലായി വീടിനുസമീപം പുരയിടത്തിലാണ് കഞ്ചാവ് സൂക്ഷിച്ചിരുന്നത്. ഇടുക്കി അസി. എക്‌സൈസ് കമ്മിഷണര്‍ ബെന്നി ഫ്രാന്‍സീസാണ് കുറ്റപത്രം സമര്‍പ്പിച്ചത്. പത്തു സാക്ഷികളും 31 രേഖകളും കോടതിയില്‍ ഹാജരാക്കിയിരുന്നു. പ്രതിക്കുവേണ്ടി അഡ്വക്കേറ്റുമാരായ എം.എം തോമസ് മുണ്ടക്കാട്ട്, സിബി ജോസഫ് തിരുതാളി, ഏബിള്‍ സി. കുര്യന്‍, അരുണ്‍ ജോസ് തോമസ് മുണ്ടക്കാട്ട് എന്നിവര്‍ കോടതിയില്‍ ഹാജരായി.