താമരശേരി: പുതുപ്പാടി പഞ്ചായത്തിലെ കണ്ണപ്പന്‍കുണ്ട് പ്രദേശങ്ങളില്‍ മാവോയിസ്റ്റ് സാന്നിധ്യം സ്ഥിരീകരിച്ച സാഹചര്യത്തില്‍ കൂടുതല്‍ അന്വേഷണങ്ങളുമായി പൊലിസ്. കഴിഞ്ഞ ഞായറാഴ്ചയും ചൊവ്വാഴ്ചയും പ്രദേശത്തെ രണ്ടു വീടുകളില്‍ ആയുധ ധാരികളായ മാവോയിസ്റ്റുകളെത്തുകയും വീട്ടില്‍നിന്നു ഭക്ഷണം കഴിക്കുകയും മാവോയിസ്റ്റ് പ്രസിദ്ധീകരണം വിതരണം ചെയ്യുകയും ചെയ്തിട്ടുണ്ട്.
പുതുപ്പാടി മേഖലയില്‍ മാവോയിസ്റ്റ് സംഘങ്ങള്‍ തുടര്‍ച്ചയായി എത്തിയ പശ്ചാത്തലത്തില്‍ തണ്ടര്‍ബോള്‍ട്ട് സംഘത്തിന്റെ നേതൃത്വത്തില്‍ ഇന്നലെ വനപ്രദേശങ്ങളില്‍ പരിശോധന നടത്തി. ദേശീയ അന്വേഷണ ഏജന്‍സി വിഷയത്തില്‍ ഇടപെടുമെന്ന സൂചനയും ഉണ്ട്.