ന്യൂഡല്‍ഹി: കേന്ദ്ര വനംവകുപ്പിന്റെ കുറ്റവാളി പട്ടികയില്‍ 39ാം നമ്പറുകാരനായി ബോളിവുഡ് നടന്‍ സല്‍മാന്‍ ഖാനും. വൈല്‍ഡ് ലൈഫ് ക്രൈം കണ്‍ട്രോള്‍ ബ്യൂറോയുടെ വെബ്‌സൈറ്റിലാണ് സല്‍മാന്‍ഖാന്റെ പേരുള്ളത്. ഈ പട്ടിക വഴി കുറ്റവാളികളുടെ ഭൂതകാല പശ്ചാത്തലം വ്യക്തമാകും. കൃഷ്ണമൃഗത്തെ വേട്ടയാടിയ കേസില്‍ ജോധ്പൂര്‍ കോടതി കുറ്റക്കാരനെന്ന് കണ്ടെത്തിയതിനാലാണ് സല്‍മാന്‍ഖാന്‍ പട്ടികയില്‍ ഉള്‍പ്പെട്ടത്. കൊടും കുറ്റവാളികളുടെ കൂട്ടത്തിലാണ് സല്‍മാന്‍ഖാനും ഉള്‍പ്പെട്ടിരിക്കുന്നത്. 1972ലെ വന്യജീവി സംരക്ഷണ വകുപ്പുപ്രകാരം കേസെടുത്ത് ജയിലിലടക്കപ്പെട്ടവരാണ് സല്‍മാനൊപ്പം പട്ടികയിലുള്ളത്.