വടക്കാഞ്ചേരി: പെട്രോള്‍ ഡീസല്‍ വില വര്‍ധനയില്‍ പ്രതിഷേധിച്ച് സി.പി.എം വടക്കാഞ്ചേരി ഏരിയാ കമ്മിറ്റിയുടെ നേതൃത്വത്തില്‍ വടക്കാഞ്ചേരിയില്‍ ഓട്ടോറിക്ഷകള്‍ കെട്ടിവലിച്ചു പ്രകടനം നടത്തി. ഓട്ടുപാറയില്‍ നിന്നു വടക്കാഞ്ചേരിയിലേക്കായിരുന്നു പ്രകടനം. വടക്കാഞ്ചേരിയില്‍ നടന്ന പൊതുസമ്മേളനം കെ.എം മൊയ്തു ഉദ്ഘാടനം ചെയ്തു. ടി.ആര്‍ രജിത്ത് അധ്യക്ഷനായി. കെ.പി മദനന്‍, കെ.ഡി ബാഹുലേയന്‍, എന്‍.കെ പ്രമോദ്കുമാര്‍, ടി.വി സുനില്‍ കുമാര്‍ സംസാരിച്ചു.