കൊട്ടിയം: മുഖത്തല സ്‌കൂള്‍ ജങ്ഷനിലെ ഗവ.എല്‍.പി സ്‌കൂള്‍ മതിലിനോട് ചേര്‍ന്ന് നില്‍ക്കുന്ന ഇലവ് മരം സ്‌കൂള്‍ കുട്ടികള്‍ക്ക് ഭീഷണിയാകുന്നു.
ചുവട് ദ്രവിച്ച നിലയിലാണ് മരം മാസങ്ങളായി ഇവിടെ നില്‍ക്കുന്നത്. മറ്റു ശിഖരങ്ങളും ദ്രവിച്ചിട്ടുണ്ട്. റോഡിലേയ്‌ക്കോ സ്‌കൂള്‍ കെട്ടിടത്തിന്റെ മുകളിലേയ്‌ക്കോ പതിച്ചാല്‍ വന്‍ അപകടമായിരിക്കും സംഭവിക്കുന്നത്. ഒരു മാസമായി കുട്ടികളുടെ രക്ഷിതാക്കള്‍ പരാതിയുയര്‍ത്തിയിട്ടും സ്‌കൂള്‍ അധികൃതര്‍ നടപടിയെടുത്തിരുന്നില്ല. പി.ടി.എ കമ്മിറ്റി കഴിഞ്ഞ മാസം ആവശ്യമുന്നയിച്ചെങ്കിലും റവന്യൂ അധികാരികള്‍ക്ക് കഴിഞ്ഞ ദിവസം മാത്രമാണ് പരാതി ലഭിച്ചത്.