കോഴിക്കോട്: എസ്.കെ.എസ്.എസ്.എഫ് ആതുര സേവന വിഭാഗമായ സഹചാരി റിലീഫ് സെല്ലിനു വേണ്ടി ഇന്ന് (വെള്ളി) പള്ളികളില്‍ നടക്കുന്ന ഫണ്ട് ശേഖരണം വിജയിപ്പിക്കാന്‍ സമസ്ത കേരള ജംഇയ്യത്തുല്‍ ഉലമ ആഹ്വാനം ചെയ്തു.
നിരവധി നിര്‍ധന രോഗികള്‍ക്ക് ആശ്വാസമെത്തിക്കാന്‍ സഹചാരി കഴിഞ്ഞ പത്ത് വര്‍ഷമായി ചെയ്തുവരുന്ന പ്രവര്‍ത്തനങ്ങള്‍ക്ക് മഹല്ല് ജമാഅത്ത് ഭാരവാഹികളും ഖാസി, ഖത്വീബുമാരും സഹായ സഹകരണങ്ങള്‍ നല്‍കണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍, സമസ്ത കേരള ജംഇയ്യത്തുല്‍ ഉലമ പ്രസിഡന്റ് എ.പി. മുഹമ്മദ് മുസ്‌ലിയാര്‍ കുമരംപുത്തൂര്‍, ജന.സെക്രട്ടറി പ്രൊഫ. കെ. ആലികുട്ടി മുസ്‌ലിയാര്‍ എന്നിവര്‍ സംയുക്ത പ്രസ്താവനയില്‍ അഭ്യര്‍ഥിച്ചു.