കാഞ്ഞങ്ങാട്: ഹര്‍ത്താലിനോടനുബന്ധിച്ചുള്ള ആക്രമ സംഭവങ്ങളുടെ ഭാഗമായി രാവണീശ്വരം വാണിയംപാറയില്‍ സി.പി.എം ബ്രാഞ്ച് കമ്മിറ്റി ഓഫിസായ വീരപ്പ ചേരയക്കാര്‍ സ്മാരക മന്ദിരത്തിന് തീയിട്ടു. ഡി.വൈ.എഫ്.ഐ വാണിയംപാറ യൂനിറ്റ് ഓഫിസും ഈ സ്മാരക മന്ദിരത്തിലാണ് പ്രവര്‍ത്തിക്കുന്നത്.
വെള്ളിയാഴ്ച പുലര്‍ച്ചെയാണ് അജ്ഞാത സംഘം ഓഫിസ് തീയിട്ട് നശിപ്പിച്ചത്. രാത്രി 11 മണിവരെ ഓഫിസില്‍ ആളുണ്ടായിരുന്നതായി പറയുന്നു. ഇതു സംബന്ധിച്ച ബ്രാഞ്ച് സെക്രട്ടറി ഹൊസ്ദുര്‍ഗ് പൊലിസില്‍ പരാതി നല്‍കി.
സി.പി.എമ്മിന്റെ ശക്തി കേന്ദങ്ങളിലൊന്നായ വാണിയംപാറയിലെ ആക്രമം സി.പി.എം അണികളില്‍ പരിഭ്രാന്തി പടര്‍ത്തി.