തളിപ്പറമ്പ്: ദേശീയപാതയില്‍ ബക്കളം നെല്ലിയോട്ട് ഓട്ടോടാക്‌സിയും നാഷനല്‍ പെര്‍മിറ്റ് ലോറിയും കൂട്ടിയിടിച്ച് നാലുപേര്‍ക്ക് ഗുരുതര പരുക്ക്.
രാത്രി ഒമ്പതോടെയായിരുന്നു തളിപ്പറമ്പ് ഭാഗത്തേക്ക് വരികയായിരുന്ന ഓട്ടോ ടാക്‌സിയും കണ്ണൂര്‍ ഭാഗത്തേക്ക് പോകുകയായിരുന്ന ലോറിയും കൂട്ടിയിടിച്ചത്. ഇടിയുടെ ആഘാതത്തില്‍ ഓട്ടോ ടാക്‌സി പിളര്‍ന്ന നിലയിലാണ്.
പരുക്കേറ്റ മാനന്തവാടി പുലിക്കാട്ട് സ്വദേശികളായ പ്രശാന്തന്‍(40), സുകേഷ്(26), ചിറ്റാരിപ്പറമ്പ് പാളിച്ചാലിലെ പി പ്രശാന്തന്‍(30), സുര്‍ജിത്ത്(26) എന്നിവരെ പരിയാരം മെഡിക്കല്‍ കോളജില്‍ പ്രവേശിപ്പിച്ചു.