ഇരിട്ടി: ശബരിമല വിഷയവുമായി ബന്ധപ്പെട്ട് നടക്കുന്ന അക്രമ സംഭവങ്ങളുടെ പശ്ചാത്തലത്തില്‍ ആയുധങ്ങള്‍ക്കും ബോംബുകള്‍ക്കുമായി ഇരിട്ടി സര്‍ക്കിള്‍ പരിധിയില്‍ പൊലിസും ബോംബ് സ്‌ക്വാഡും സംയുക്ത പരിശോധന നടത്തി. മലയോരത്തും സംഘര്‍ഷ സാധ്യതയുണ്ടെന്ന് ഇന്റലിജന്‍സ് റിപ്പോര്‍ട്ടിന്റെ അടിസ്ഥാനത്തിലാണ് വ്യാപക റെയ്ഡ് നടത്തിയത്. സി.ഐ രാജീവന്‍ വലിയവളപ്പില്‍, എസ്.ഐ സുനില്‍കുമാര്‍ എന്നിവരുടെ നേതൃത്വത്തിലുള്ള പൊലിസും കണ്ണൂരില്‍ നിന്നെത്തിയ ബോംബ്, ഡോഗ് സ്‌ക്വാഡുകളും ചേര്‍ന്നാണ് പെരുവംപറമ്പ്, അളപ്ര, കീഴൂര്‍ എന്നിവിടങ്ങളില്‍ പരിശോധന നടത്തിയത്.