കൊല്ലം: ആദിച്ചനല്ലൂര്‍ പഞ്ചായത്തിലെ പുഞ്ചിരി നഗര്‍ കുടിവെള്ള പദ്ധതിക്കെതിരെ വ്യജപ്രചരണം നടക്കുന്നതായി കുടിവെള്ള പദ്ധതി സംരക്ഷണ സമിതി കണ്‍വീനര്‍ പി നബീസത്ത് വാര്‍ത്താസമ്മേളനത്തില്‍ പറഞ്ഞു.
വേനല്‍ സമയത്ത് പ്രദേശത്ത് കുടിവെള്ള ക്ഷാമം രൂക്ഷമാണ്. പണം കൊടുത്ത് കുടിവെള്ളം വാങ്ങേണ്ട അവസ്ഥയിലാണ് നാട്ടുകാര്‍. ജി.എസ്് ജയലാല്‍ എം.എല്‍.എ ഇടപെട്ട് ഒരുലക്ഷത്തി എണ്ണായിരം രൂപ ചെലവില്‍ ജില്ലാ പഞ്ചായത്തിന്റെ അധീനതയിലുള്ള സ്ഥലത്ത് ഉപയോഗ ശൂന്യമായിക്കിടന്ന പമ്പുഹൗസ് ഉപയോഗിച്ച് കുടിവെള്ളം എത്തിക്കുന്നതിനുള്ള സൗകര്യം ഒരുക്കിയിട്ടുണ്ട്. പദ്ധതി ഇന്നു വൈകിട്ട് നാടിന് സമര്‍പ്പിക്കാനിരിക്കെ,പദ്ധതിക്കെതിരെ പഞ്ചായത്ത് പ്രസിഡന്റും അംഗവും ചേര്‍ന്ന് വ്യാജ പ്രചരണം നടത്തുകയാണ്.
കുടിവെള്ള ക്ഷാമത്തിനെതിരെ ചെറുവിരല്‍ അനക്കാത്ത പഞ്ചായത്താണ് പദ്ധതിക്കെതിരെ രംഗത്തുള്ളതെന്ന് അവര്‍ പറഞ്ഞു. വാര്‍ത്താസമ്മേളനത്തില്‍ ബി സെല്‍വരത്‌നം,റിച്ചാര്‍ഡ് തോമസ്ല്‍,സതി ആര്‍,വസന്ത സി എന്നിവരും പങ്കെടുത്തു.