റിയാദ്: യുക്രൈൻ പ്രസിഡൻ്റ് വൊളൊഡിമിർ സെലെൻസ്കി ജിദ്ദയിൽ എത്തിയതായി അൽ-ഇഖ്ബാരിയ റിപ്പോർട്ട് ചെയ്തു. മക്ക മേഖല ഡെപ്യൂട്ടി അമീർ പ്രിൻസ് സഊദ് ബിൻ മിഷാൽ, വാണിജ്യ മന്ത്രി ഡോ. മാജിദ് അൽ ഖസാബി, റീജിയൻ പൊലിസ് ഡയറക്ടർ മേജർ ജനറൽ സാലിഹ് അൽ-ജാബ്രി, ജിദ്ദ ഗവർണറേറ്റ് ഡെപ്യൂട്ടി മേയർ എൻജിനീയർ. അലി അൽ ഖർനി എന്നിവർ ചേർന്ന് യുക്രൈൻ പ്രസിഡൻ്റിനെ സ്വീകരിച്ചു.

ചൊവ്വാഴ്ച നടക്കാനിരിക്കുന്ന യുക്രൈൻ ഉദ്യോഗസ്ഥരും സഊദി, യുഎസ് പ്രതിനിധികളും തമ്മിലുള്ള ചർച്ചകൾക്ക് മുന്നോടിയായാണ് പ്രസിഡന്റ് ജിദ്ദയിൽ എത്തിയത്. റഷ്യ യുക്രൈനെതിരെ പൂർണ്ണ തോതിലുള്ള അധിനിവേശം ആരംഭിച്ചിട്ട് മൂന്ന് വർഷത്തിലേറെയായി, റഷ്യ-യുക്രൈൻ സംഘർഷത്തിൽ നിന്ന് ഒരു വഴി തേടുന്നതിനായി യുക്രൈൻ പ്രസിഡന്റ് സെലെൻസ്‌കി യുഎസ് ഉദ്യോഗസ്ഥരുമായി ജിദ്ദയിൽ കൂടിക്കാഴ്ച നടത്തും.