ലണ്ടന്‍: ആഴ്‌സണല്‍ എഫ്.എ കപ്പിന്റെ ക്വാര്‍ട്ടറിലേക്ക് മുന്നേറി. സട്ടന്‍ യുനൈറ്റഡിനെ മറുപടിയില്ലാത്ത രണ്ടു ഗോളുകള്‍ക്ക് വീഴ്ത്തിയാണ് ഗണ്ണേഴ്‌സ് അവസാന എട്ടില്‍ ഇടം കണ്ടത്.
കളിയുടെ ഇരു പകുതികളിലുമായി ഓരോ ഗോള്‍ വലയിലാക്കിയാണു പീരങ്കിപ്പടയുടെ വിജയം. 26ാം മിനുട്ടില്‍ ലൂക്കാസും 55ാം മിനുട്ടില്‍ തിയോ വാല്‍ക്കോട്ടും വല ചലിപ്പിച്ചു. ക്വാര്‍ട്ടറില്‍ ലങ്കന്‍ സിറ്റിയാണു ആഴ്‌സണലിന്റെ എതിരാളികള്‍.
അതേസമയം മറ്റൊരു ക്വാര്‍ട്ടര്‍ പോരാട്ടത്തില്‍ കരുത്തരായ ചെല്‍സിയും മാഞ്ചസ്റ്റര്‍ യുനൈറ്റഡും നേര്‍ക്കുനേര്‍ വരും. നേരത്തെ ക്വാര്‍ട്ടര്‍ ഉറപ്പിച്ച ടോട്ടനം ഹോട്‌സ്പറിനു മില്‍വെല്ലാണു എതിരാളികള്‍.