പൂച്ചാക്കല്‍: തൈക്കാട്ടുശ്ശേരി ബ്ലോക്ക് പഞ്ചായത്തിലും പാമണാവള്ളി ഗ്രാമപഞ്ചായത്തിലും നടത്തിവരുന്ന പദ്ധതികളെ കുറിച്ച് വിലയിരുത്താന്‍ കേന്ദ്രസംഘമെത്തു.
ബ്ലോക്ക് പഞ്ചായത്തില്‍ പ്രസിഡന്റ് നിര്‍മ്മലാ ശെല്‍വരാജ് മറ്റ് ജനപ്രതിനിധികളുമായി ചര്‍ച്ച നടത്തി.നിലവില്‍ തൊഴിലുറപ്പ് പദ്ധതി നൂറ് ദിവസമെന്ന രീതി ചുരുക്കിയെങ്കിലും തൊഴിലാളികള്‍ക്കുള്ള വേതന വിഹിതം മുടങ്ങിക്കിടക്കുകയാണെന്നും പ്രസിഡന്റ് സംഘത്തെ ബോധ്യപ്പെടുത്തി.
ബ്ലോക്ക് തലത്തില്‍ നിരവധി പദ്ധതികള്‍ ആവിഷ്‌ക്കരിക്കണമെന്നും അതിനുള്ള കേന്ദ്ര സഹായം ഉണ്ടായാല്‍ ചെയ്യണമെന്നും സംഘം നിദേശിച്ചു.
പാണാവള്ളി ഗ്രാമ പഞ്ചായത്തിലെത്തിയ സംഘം ദീര്‍ഘനേരം ജനപ്രതിനിധികളുമായി ചര്‍ച്ച നടത്തി.
കേന്ദ്രാവിഷ്‌കൃത പദ്ധതികളുടെ നടത്തിപ്പില്‍ പാണാവള്ളി മുന്നിലെന്ന് സംഘം വിലയിരുത്തി. കാര്‍ഷിക മേഖലയിലെയും ദേശീയ ഗ്രാമീണ തൊഴിലുറപ്പ് പദ്ധതിയിലെയും കാര്യങ്ങള്‍ സംഘം ചര്‍ച്ച നടത്തി.
തുടര്‍ന്ന് പ്രദേശത്തെ പദ്ധതിപ്രകാരമുള്ള വിവിധ കൃഷിയിടങ്ങള്‍ സന്ദര്‍ശിച്ചു.ഉത്തരേന്ത്യന്‍ സംസ്ഥാനങ്ങളിലെ പദ്ധതി നടത്തിപ്പില്‍ മാര്‍ഗ നിര്‍ദേശങ്ങള്‍ നല്‍കുന്നതിനു പഞ്ചായത്ത് അധികൃതരെ ക്ഷണിക്കുകയും ചെയ്തു.
പഞ്ചായത്ത് ധികൃതര്‍ പൊന്നാട അണിയിച്ച് സംഘങ്ങളെ സ്വീകരിച്ചു.രാവിലെ എത്തിയ സംഘം രാത്രി ഒമ്പത് മണിക്കാണ് തിരിച്ചത്.
പഞ്ചായത്തിന്റെ വിവിധ പ്രദേശങ്ങളില്‍ സംഘം സന്ദര്‍ശനം നടത്തി.