പട്ടിക്കാട്: പള്ളി ദര്‍സ് വിദ്യാര്‍ഥികളുടെ സംസ്ഥാന പ്രതിനിധി സംഗമം പത്തിന് വ്യാഴാഴ്ച പട്ടിക്കാട് ഫൈസാബാദില്‍ പി.എം.എസ്.എ പൂക്കോയ തങ്ങള്‍ നഗറില്‍ നടക്കും. സംസ്ഥാനത്തെ മൂവായിരത്തോളം പള്ളി ദര്‍സ് വിദ്യാര്‍ഥികള്‍ പങ്കെടുക്കുന്ന സംഗമം കാലത്ത് 8.30ന് ആരംഭിക്കും. പാണക്കാട് സയ്യിദ് ബശീറലി ശിഹാബ് തങ്ങള്‍ അധ്യക്ഷനാകും. സമസ്ത ട്രഷറര്‍ സി.കെ.എം സാദിഖ് മുസ്‌ലിയാര്‍ ഉദ്ഘാടനം ചെയ്യും. ദര്‍സ് ശാക്തീകരണ സമിതി കണ്‍വീനര്‍ അബ്ദുല്‍ ഖാദിര്‍ ഫൈസി കുന്നുപുറം ആമുഖ പ്രഭാഷണം നടത്തും. സാഭിമാനം മതവിദ്യ ഡോ.സാലിം ഫൈസി കൊളത്തൂരും ഇന്തോ ഇസ്‌ലാമിക് പഠന രീതികളും ആധുനിക വിദ്യാഭ്യാസവും മുഹമ്മദ് ഫൈസി ഓണമ്പിള്ളിയും അവതരിപ്പിക്കും.
കുഞ്ഞിമുഹമ്മദ് മുസ്‌ലിയാര്‍ മാരായമംഗലം, മഞ്ഞളാംകുഴി അലി എം.എല്‍.എ, അഡ്വ. എം. ഉമര്‍ എം.എല്‍.എ, കെ.പി.എം അലി ഫൈസി, മുഹമ്മദ് ഫൈസി പുവ്വത്തിങ്ങല്‍, മുഹമ്മദ് കുട്ടി ദാരിമി കോടങ്ങാട്, മുഹമ്മദലി ശിഹാബ് ഫൈസി കൂമണ്ണ, സയ്യിദ് ത്വാഹാ ഒ.എം.എസ് തങ്ങള്‍ സംസാരിക്കും.
ഉച്ചക്കുശേഷം രണ്ടിന് നടക്കുന്ന രണ്ടാം സെഷനില്‍ സയ്യിദ് സാബിഖലി ശിഹാബ് തങ്ങള്‍ അധ്യക്ഷനാകും. കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്യും. സ്വലാഹുദ്ദീന്‍ ഫൈസി വെന്നിയൂര്‍ ആമുഖ പ്രഭാഷണം നടത്തും. ഉസൂലുല്‍ ഹദീസ് അബ്ദുല്‍ ഗഫൂര്‍ അന്‍വരി മുതൂരും ഉലൂമുല്‍ ഖുര്‍ആന്‍ അബ്ദുറഹ്മാന്‍ ഫൈസി അരിപ്രയും അവതരിപ്പിക്കും. എ. മരക്കാര്‍ മുസ്‌ലിയാര്‍, ഐ.ബി ഉസ്മാന്‍ ഫൈസി, പി. ഉബൈദുല്ല എം.എല്‍.എ, സി. മമ്മൂട്ടി എം.എല്‍.എ, സഹല്‍ കട്ടിലശ്ശേരി സംസാരിക്കും. ശൈഖുനാ ഏലംകുളം ബാപ്പുമുസ്‌ലിയാര്‍ സമാപന സന്ദേശം നല്‍കും.