ദോഹ: ഖത്തര്‍ ദേശീയകായിക ദിനത്തോടനുബന്ധിച്ച് ഇന്ത്യന്‍ സ്‌പോര്‍ട്‌സ് സെന്ററിന്റെ ആഭിമുഖ്യത്തില്‍ സംഘടിപ്പിച്ച  അഖിലേന്ത്യാ വടംവലി മത്സരത്തില്‍ ഖിയ ചാമ്പ്യന്മാരായി. ഫൈനലില്‍ കരുത്തരായ മിസ്റ്റര്‍ ജിമ്മിനെയാണ് ഖിയ പരാജയപ്പെടുത്തിയത്.
 ഇന്ത്യന്‍ സമൂഹത്തിനായി നടത്തിയ മത്സരത്തില്‍ ഖിയ, സെവന്‍ സില്‍വര്‍ സ്റ്റാര്‍, സോഷ്യല്‍ ഫോറം, കൊഡാക് ഖത്തര്‍, യാസ് തൃശൂര്‍ സെന്തമിളര്‍ ഖത്തര്‍, ഖത്തര്‍ കനായ കള്‍ച്ചറല്‍ അസോസിയേഷന്‍ (ക്യു, കെ, സി, എ) മിസ്റ്റര്‍ ജിം, ഇസ്സ കള്‍ച്ചറല്‍ ഫോറം, ക്യു.സി.എ, ന്യൂ വേള്‍ഡ് ടീം, ജാഫ്‌സന്‍സ്, സെവന്‍സ് കര്‍ത്തിയാത്ത്, ഇമ ഖത്തര്‍ എന്നീ 16 ടീമുകളാണ് പങ്കെടുത്തത്.
ടൂര്‍ണമെന്റിന്റെ  ഔപചാരിക ഉദ്ഘാടനം ഇബ്ന്‍ അജയന്‍ ഗ്രൂപ്പ്  ചെയര്‍മാന്‍ മുഹമ്മദ് മെഹ്ദി അജയന്‍ അല്‍ അഹ്ബാബി നിര്‍വഹിച്ചു.
രാവിലെ 10 മണി മുതല്‍ ഏഷ്യന്‍ ടൗണില്‍ വച്ച് നടന്ന മത്സരങ്ങള്‍ വീക്ഷിക്കാന്‍ ആയിരക്കണക്കിന് തൊഴിലാളികള്‍ സന്നിഹിതരായിരുന്നു.