കാഞ്ഞങ്ങാട്: സംയുക്ത മുസ്‌ലിം ജമാഅത്ത്  കമ്മിറ്റിയുടെ നേതൃത്വത്തില്‍ നടന്നു വരുന്ന  ശിഹാബ് തങ്ങള്‍ സ്മാരക മാംഗല്യ നിധിയിലേക്ക് ലുലു ഗ്രൂപ്പ് ചെയര്‍മാന്‍ എം.എ യൂസഫലി വീണ്ടും സഹായം നല്‍കി.
കഴിഞ്ഞ അഞ്ച് തവണകളിലായി 50 ലക്ഷം രൂപ അനുവദിച്ച ലുലൂ ഗ്രൂപ്പ് ഇത്തവണയും പത്തു ലക്ഷം രൂപ  നല്‍കി. 170 ലധികം പെണ്‍കുട്ടികളുടെ വിവാഹത്തിനു വേണ്ടി  ഒന്നേ മുക്കാല്‍ കോടിയോളം രൂപയുടെ സഹായം കഴിഞ്ഞ വര്‍ഷം മംഗല്യനിധിയിലുടെ നല്‍കിയിരുന്നു.
ഈ വര്‍ഷം കൂടുതല്‍ പേര്‍ക്ക് സഹായം എത്തിക്കാനുള്ള ഒരുക്കത്തിലാണ് കാഞ്ഞങ്ങാട് സംയുക്ത മുസ്‌ലിം  ജമാഅത്ത് കമ്മിറ്റി ഭാരവാഹികള്‍.