തുറവൂര്‍: അന്ധകാരനഴി പൊഴിമുറിച്ചതോടെ തൊഴിലാളികള്‍ക്ക് മത്സ്യക്കൊയ്ത്ത്. കഴിഞ്ഞ ദിവസം പൊഴിമുഖത്തിന്റെ വടക്കുഭാഗത്തായി ചാലുകീറി വെള്ളമൊഴുക്കിക്കളയാനുള്ള ശ്രമം നാട്ടുകാര്‍ തടഞ്ഞിരുന്നു.
തുടര്‍ന്ന് മധ്യഭാഗത്തായി പൊഴി മുറിക്കാന്‍ ശ്രമം നടത്തിയെങ്കിലും ശക്തമായ തിരമാലയില്‍ മണലടിഞ്ഞ് അടയുകയായിരുന്നു. പിന്നീട് തെക്ക് ഭാഗത്ത് തോടുവെട്ടിയാണ് പൊഴിമുറിച്ചത്. കനത്ത മഴയില്‍ മേഖലയിലെ ജനവാസകേന്ദ്രങ്ങളിലെല്ലാം വെള്ളം കയറിയിരുന്നു.
തുടര്‍ന്ന്  ജില്ലഭരണകൂടത്തിന്റെ നിര്‍ദ്ദേശാനുസരണമാണ് പൊഴി മുറിച്ചത്. നീരൊഴുക്ക് ശക്തമായതോടെ മത്സ്യ ലദ്യതയും വര്‍ധിച്ചിട്ടുണ്ട്.