എരുമേലി: നിയന്ത്രണം വിട്ട കാര്‍ വനാതിര്‍ത്തിയിലെ മരത്തില്‍ ഇടിച്ച് രണ്ട് സ്ത്രീകള്‍ക്ക് പരുക്കേറ്റു. ഇന്നലെ രാവിലെ ആറ് മണിയോടെ എരുമേലി കനകപ്പലത്താണ് സംഭവം.
ഈരാറ്റുപേട്ട കുന്നുവിള വീട്ടില്‍ സ്മിത (34),പൂഞ്ഞാര്‍ അത്തിയാലില്‍ സനിത (30) എന്നിവര്‍ക്കാണ് പരിക്കേറ്റത്.
രണ്ട് കുട്ടികള്‍ അടക്കം അഞ്ചംഗ കുടുംബമാണ് കാറില്‍ ഉണ്ടായിരുന്നത്. തിരുവനന്തപുരത്ത് ബന്ധുവിന്റെ ശവസംസ്‌കാര ചടങ്ങില്‍ പങ്കെടുത്ത് മടങ്ങുംവഴിയാണ് സംഭവം.
ഡ്രൈവര്‍ ഉറങ്ങിയതാണ് അപകടത്തിന് കാരണമെന്ന് പറയുന്നു.
ഡ്രൈവര്‍ അടക്കം മറ്റുളളവര്‍ക്ക് പരിക്കുകള്‍ ഇല്ല.