ഉരുവച്ചാല്‍: ട്രെയിനില്‍ കയറാനുള്ള ശ്രമത്തില്‍വീണു ചതഞ്ഞ ഇരുകാലുകളും മുറിച്ചുമാറ്റിയ ഫൈസലിനു മട്ടന്നൂര്‍ ലയണ്‍സ് ക്ലബിന്റെ സാമ്പത്തികസഹായം. സഹായ ഹസ്തത്തിനായി കഴിഞ്ഞദിവസം സുപ്രഭാതം വാര്‍ത്ത നല്‍കിയിരുന്നു. വാര്‍ത്ത ശ്രദ്ധയില്‍പ്പെട്ടതിനെ തുടര്‍ന്ന് ഫൈസലിന് സഹായധനമായി മട്ടന്നൂര്‍ ലയണ്‍സ് ക്ലബ് നല്‍കിയത് ഒരു ലക്ഷം രൂപയാണ്.
ലയണ്‍സ് ഡിസ്ട്രിക്ട് ഗവര്‍ണര്‍ ഗണേശന്‍ കണിയാറക്കല്‍, മട്ടന്നൂര്‍ ക്ലബ് ഭാരവാഹികളായ സജിനി സുധീഷ്, ഷീന രാജീവ്, ലതിക വേണുഗോപാല്‍, ലയണ്‍സ് ക്ലബ് അംഗങ്ങളായ മനോഹരന്‍, എം. ബാലകൃഷ്ണന്‍, നാരായണന്‍ നമ്പ്യാര്‍, പി. സുധീഷ്, കെ. കൃഷ്ണന്‍, രാധാകൃഷ്ണന്‍, തങ്കം നമ്പ്യാര്‍, സത്യപാലന്‍ തുടങ്ങിയവര്‍ ഫൈസലിന്റെ വാടക വീട്ടിലെത്തിയാണ് തുക കൈമാറിയത്.