കോഴിക്കോട് : സമസ്തയുടെ  കീഴിലുള്ള ഇംഗ്ലീഷ് മീഡിയം സ്‌കൂളുകളുടെ പ്രവര്‍ത്തനം ഏകീകരിക്കുന്നതിന്റെ ഭാഗമായി രൂപീകരിച്ച അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ് (അസ്മി) മലപ്പുറം, തൃശൂര്‍, പാലക്കാട്, എറണാകുളം, ആലപ്പുഴ, കോട്ടയം, ഇടുക്കി, പത്തനംതിട്ട, കൊല്ലം, തിരുവനന്തപുരം എന്നീ ജില്ലകള്‍ക്കായി സംഘടിപ്പിക്കുന്ന ഇംഗ്ലീഷ് മീഡിയം സ്‌കൂള്‍ മാനേജ്‌മെന്റ് പ്രതിനിധികളുടെ സോണല്‍ മീറ്റ് ഫെബ്രുവരി 25-ന് രാവിലെ 10.30 മുതല്‍ ഉച്ചയ്ക്ക് രണ്ട് വരെ മലപ്പുറം സുന്നി മഹല്ലില്‍ നടക്കും.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. അസ്മി പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. ജന. സെക്രട്ടറി ഹാജി പി.കെ മുഹമ്മദ്, ഹാജി കെ. മമ്മദ് ഫൈസി, അബ്ദുസ്സമദ് പൂക്കോട്ടൂര്‍, കെ. മോയിന്‍ കുട്ടി മാസ്റ്റര്‍, കെ.കെ.എസ് തങ്ങള്‍, പി.വി മുഹമ്മദ് മൗലവി, സലാം ഫൈസി ഒളവട്ടൂര്‍, അഡ്വ. ആരിഫ് തുടങ്ങിയവര്‍ സംബന്ധിക്കും.
അബ്ദുര്‍റശീദ് കംമ്പളക്കാട്, ഡോ. മുസ്തഫ എന്നിവര്‍ ക്ലാസെടുക്കും. സംഗമത്തില്‍ പുതിയ ജില്ലാ സമിതികള്‍ക്ക് രൂപം നല്‍കും. അംഗീകാരം ലഭിക്കാത്ത സ്ഥാപന ഭാരവാഹികളും നഴ്‌സറി സ്‌കൂള്‍ മാത്രം നടത്തുന്ന സ്ഥാപന ഭാരവാഹികളും സംഗമത്തില്‍ എത്തിച്ചേരണമെന്ന് ജനറല്‍ സെക്രട്ടറി അറിയിച്ചു. വിശദ വിവരങ്ങള്‍ക്ക് : 9847741444, 9847332214.