ന്യൂഡല്‍ഹി: നിയമസഭാംഗങ്ങളുടെ അയോഗ്യത സ്പീക്കര്‍മാര്‍ തീരുമാനിക്കുന്നതില്‍ പുന:പരിശോധന വേണമെന്ന് സുപ്രിംകോടതി. ഇതിനായി സ്വതന്ത്രസംവിധാനം ആലോചിക്കണമെന്നും സുപ്രിംകോടതി ആവശ്യപ്പെട്ടു. മണിപ്പൂര്‍ നിയമസഭാംഗങ്ങളെ അയോഗ്യരാക്കണം എന്ന ഹരജി പരിഗണിക്കവെയാണ് കോടതി നിരീക്ഷണം.

സ്പീക്കര്‍ എന്നത് ഒരു സ്വതന്ത്രപദവി അല്ല. അയോഗ്യത തീരുമാനം സ്പീക്കര്‍മാര്‍ അനന്തമായി നീട്ടിക്കൊണ്ടുപോകരുതെന്നും ഇക്കാര്യത്തില്‍ പാര്‍ലമെന്റ് നിയമം രൂപീകരിക്കുന്ന കാര്യം ആലോചിക്കണമെന്നും കോടതി ആവശ്യപ്പെട്ടു.