HOME
DETAILS

സ്കൂൾ സമയമാറ്റം പുന:പരിശോധിക്കണം; എസ്.കെ.എസ്.എസ്.എഫ്

  
Web Desk
July 06 2025 | 15:07 PM

Reconsider School Timing Changes SKSSF

 

കോഴിക്കോട് : പൊതുവിദ്യാലയങ്ങളുടെ സമയക്രമത്തിൽ വരുത്തിയ മാറ്റം പുന:പരിശോധിക്കണമെന്ന് എസ് കെ എസ് എസ് എഫ് സംസ്ഥാന കമ്മിറ്റി സംഘടിപ്പിച്ച ടേബിൾ ടോക്ക് സർക്കാറിനോട് ആവശ്യപ്പെട്ടു.സ്കൂൾ സമയമാറ്റം നടപ്പിലാക്കിയത് മുതൽ വിദ്യാർത്ഥികളുടെയും രക്ഷിതാക്കളുടെയും അധ്യാപകരുടെയും ഭാഗത്തുനിന്നുള്ള പരാതികൾ വർദ്ധിച്ചു വരികയാണ്. സമയമാറ്റം നടപ്പിലാക്കുമ്പോൾ മദ്രസാ വിദ്യാർത്ഥികൾക്ക് മാത്രമാണ് പ്രയാസമുണ്ടാവുക എന്നത് തെറ്റിദ്ധാരണയാണ്. ഗതാഗത സൗകര്യങ്ങളുടെ അപര്യാപ്തത, കാലവർഷത്തിന്റെ ഭാഗമായുണ്ടാകുന്ന തടസ്സങ്ങൾ തുടങ്ങിയവ കാരണം കൃത്യസമയത്ത് സ്കൂളിലെത്തിച്ചേരാൻ ഏറെ പ്രയാസപ്പെടുകയാണ് വിദ്യാർത്ഥികൾ.  

രാവിലെ തന്നെ വാഹനങ്ങളിൽ തിങ്ങി ഞെരുങ്ങി യാത്ര ചെയ്യേണ്ട സാഹചര്യമാണ് നിലവിലുള്ളത്. സ്കൂളിലെത്തിച്ചേരാൻ വൈകുന്നതിനാൽ കൂടുതൽ വിദ്യാർത്ഥികൾ മാനസിക സമ്മർദ്ദങ്ങൾ നേരിടുകയും അധ്യാപകരുടെ ശിക്ഷാനടപടികൾക്ക് വിധേയരാവുകയും ചെയ്യേണ്ടി വരികയാണ്. കൃത്യനിഷ്ഠയും ചിട്ടയും നിലനിന്നിരുന്ന പല സ്ഥാപനങ്ങളുടെയും പ്രവർത്തനങ്ങൾ ഇത് കാരണം താളം തെറ്റിയിരിക്കുകയാണ്. ബോധന രീതിയിലും സിലബസിലും വരുത്തുന്ന മാറ്റങ്ങൾ പോലെയല്ല സമയമാറ്റം. സാമൂഹിക സാഹചര്യങ്ങളും അടിസ്ഥാന സൗകര്യങ്ങളുടെ അപര്യാപ്തതയും പഠനവിധേയമാക്കാതെയും പൊതുസമൂഹത്തിന് വിഷയത്തിൽ അഭിപ്രായം പറയാൻ അവസരം നൽകാതെയും പൊടുന്നനെ പ്രഖ്യാപിച്ചതിനാൽ  വിഷയത്തിലെ സങ്കീർണതകൾ ചർച്ച ചെയ്യപ്പെടാതെ പോകുന്നത് ഖേദകരമാണ്.

സമയമാറ്റം ഗുണത്തേക്കാളേറെ സമൂഹത്തിൽ പ്രയാസങ്ങൾ സൃഷ്ടിക്കുന്നതായി ബോധ്യപ്പെട്ട സാഹചര്യത്തിൽ സർക്കാർ വിഷയത്തിൽ അടിയന്തരമായി ഇടപെട്ട് പുന: പരിശോധനയ്ക്ക് തയ്യാറാകണമെന്ന് പരിപാടിയിൽ സംബന്ധിച്ചവർ ഐക്യകണ്ഠേന ആവശ്യപ്പെട്ടു. പരിപാടിയിൽ സംസ്ഥാന ജനറൽ സെക്രട്ടറി  ഒ.പി അഷ്റഫ് കുറ്റിക്കടവ് അധ്യക്ഷനായി. സമസ്ത കേരള മുസ്ലിം എംപ്ലോയീസ് അസോസിയേഷൻ സംസ്ഥാന പ്രസിഡൻ്റ് മുസ്തഫ മുണ്ടുപാറ ഉദ്ഘാടനം ചെയ്തു.ബശീർ അസ്അദി നമ്പ്രം വിഷയാവതരണം നടത്തി.

സയ്യിദ് മുബശ്ശിർ തങ്ങൾ ജമലുല്ലൈലി, ടി അബ്ദുൽ ഗഫൂർ മാസ്റ്റർ, (കെ.എസ്.ടി.യു)ടി.സി അബ്ദുലത്വീഫ്(കെ.എ.ടി.എഫ്)പീ.കെ നവാസ് (എം.എസ്.എഫ്) സനൂജ് കുരുവട്ടൂർ (കെ.എസ്.യു ),സി. കെ നജാഫ്ഹർഷദ് കുറ്റിക്കടവ്(എസ്.കെ.എസ്.ബീ. വി ) ട്രഷറർ അയ്യൂബ് മാസ്റ്റർ മുട്ടിൽ സ്വാഗതവും അലി അക്ബർ മുക്കം നന്ദിയും പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

മോറിത്താനിയൻ തീരത്ത് അഭയാർത്ഥികൾ സഞ്ചരിച്ച ബോട്ട് മുങ്ങി; 49 ആളുകൾ മരിച്ചു, നൂറിലധികം ആളുകളെ കാണാതായി

International
  •  a day ago
No Image

പരിശീലകനായുള്ള അരങ്ങേറ്റം കളറാക്കി ഖാലിദ് ജമീൽ; കാഫ നേഷൻസ് കപ്പിൽ ഇന്ത്യക്ക് വിജയത്തുടക്കം

Football
  •  a day ago
No Image

വാതിലുകൾ തുറന്നിട്ട് ബസുകളുടെ യാത്ര; ഒരാഴ്ചക്കിടെ മാത്രം പിടിയിലായത് 4099 ബസുകൾ

Kerala
  •  a day ago
No Image

വിസ തട്ടിപ്പും അനധികൃത പണമിടപാടും; മൂന്ന് ക്രിമിനൽ ശൃംഖലകളെ തകർത്ത് കുവൈത്ത്

Kuwait
  •  a day ago
No Image

താമസക്കാരുടെ ശ്രദ്ധയ്ക്ക്, അജ്ഞാത നമ്പറുകളില്‍ നിന്നുള്ള ഫോണ്‍ കോളുകള്‍ക്കെതിരെ മുന്നറിയിപ്പുമായി യുഎഇ മാനവ വിഭവശേഷി മന്ത്രാലയം

uae
  •  a day ago
No Image

ഓണത്തിന് കേരളത്തിലൂടെ സ്പെഷ്യൽ ട്രെയിൻ; മംഗളൂരു - ബെംഗളൂരു റൂട്ടിൽ ബുക്കിംഗ് നാളെ രാവിലെ 8 മുതൽ

Kerala
  •  a day ago
No Image

കോഴിക്കോട് കുറുക്കന്റെ ആക്രമണം; ഗൃഹനാഥന് പരുക്ക്

Kerala
  •  a day ago
No Image

സംസ്ഥാനത്ത് മഴ തുടരും; ഡാമുകളിൽ ജലനിരപ്പ് ഉയർന്നു, റെഡ് അലർട്ട്

Weather
  •  a day ago
No Image

500 ദിർഹം നൽകിയാൽ ബുക്കിങ്; ഐ ഫോൺ 17 സ്വന്തമാക്കാൻ യുഎഇയിൽ വൻതിരക്ക് 

uae
  •  a day ago
No Image

പാലക്കാട് അ​ഗളിയില്‍ ഓണാഘോഷത്തിനിടെ വിദ്യാര്‍ഥി കുഴഞ്ഞുവീണു മരിച്ചു

Kerala
  •  a day ago