കിഴിശ്ശേരി: ജലക്ഷാമം രൂക്ഷമാകുമ്പോഴും പൊതുകുളങ്ങള്‍ മലിനമാക്കുന്നതിന് അറുതിയാവുന്നില്ല. കിഴിശ്ശേരി ടൗണിന് സമീപമുള്ള പഞ്ചായത്തിന്റെ ഉടമസ്ഥതയിലുള്ള കുളമാണ് സ്വകാര്യ വ്യക്തിക്ക് പണം സമ്പാദിക്കാനായി അധികൃതരുടെ മൗനാനുവാദത്തോടെ മലിനമാക്കിക്കൊണ്ടണ്ടിരിക്കുന്നത്.
സ്വകാര്യ വ്യക്തിയുടെ ഉടമസ്ഥതയിലുള്ള കന്നുകാലികളെ ദിനേനെ ഈ കുളത്തിലിറക്കി കഴുകുകയാണ് ചെയ്യുന്നത്. പരിസരത്തുള്ള നൂറ് കണക്കിന് കുടുംബങ്ങള്‍ കുളിക്കാനും മറ്റു ആവശ്യങ്ങള്‍ക്കും ആശ്രയിച്ചിരുന്ന പഞ്ചായത്തിന്റെ ഉടമസ്ഥതയിലുള്ള ജലസ്രോതസ് സ്വകാര്യവ്യക്തി കൈവശപ്പെടുത്തി നശിപ്പിക്കുകയാണെന്ന് പരക്കെ ആക്ഷേപമുയര്‍ന്നിട്ടുണ്ട്. ഇതിന് പുറമെ കന്നുകാലികളുടെ തൊഴുത്തും അറവ് ശാലയും കുളത്തിനോട് ചേര്‍ന്നാണ് നിര്‍മിച്ചിട്ടുള്ളത്. ഇതില്‍ നിന്നുള്ള മാലിന്യങ്ങള്‍ കുളത്തിലേക്കാണ് ഒലിച്ചിറങ്ങുന്നത്. ഇതുവലിയ ആരോഗ്യ പ്രശ്‌നങ്ങള്‍ക്ക് കാരണമാകും. ഇതുമായി ബന്ധപ്പെട്ട് നടപടി സ്വീകരിക്കേണ്ടണ്ട ഗ്രാമ പഞ്ചായത്തും ആരോഗ്യ വകുപ്പും ഇത് കണ്ടണ്ടില്ലെന്ന് നടിക്കുകയാണെന്നും പ്രദേശവാസികള്‍ ആരോപിക്കുന്നു.