ജിദ്ദ: സഊദിയിലെ കിഴക്കന്‍ പ്രവിശ്യയായ ദമാമിലെ ദഹ്‌റാനില്‍ വാഹനം തടഞ്ഞുനിര്‍ത്തി അക്രമി നടത്തിയ വെടിവയ്പില്‍ യുവതി മരിച്ചു. ഇന്ത്യക്കാരനായ ഡ്രൈവര്‍ ഓടിച്ച വാഹനത്തില്‍ സ്വദേശികളായിരുന്നു യാത്ര ചെയ്തിരുന്നത്. വാഹനത്തിലുണ്ടായിരുന്ന രണ്ട് സ്വദേശി പൗരന്‍മാര്‍ക്കും ഇന്ത്യക്കാരനായ ഡ്രൈവര്‍ക്കും പരുക്കേല്‍ക്കുകയും ചെയ്തു. പ്രതിയെ പൊലിസ് അറസ്റ്റ് ചെയ്തു.
ഒരു സ്വദേശി കുടുംബം യാത്ര ചെയ്ത കാറിനെ പിന്തുടര്‍ന്ന് ഓവര്‍ടേക്ക് ചെയ്തായിരുന്നു വെടിവയ്പ് നടത്തിയത്.
പരുക്കേറ്റവരെ ആശുപത്രിയില്‍ പ്രവേശിപ്പിച്ചു. അതേ സമയം ആക്രമണത്തിന്റെ കാരണം വ്യക്തമായിട്ടില്ല. പൊലിസ് അന്വേഷണം ആരംഭിച്ചിട്ടുണ്ട്.