തിരൂര്‍: സമൂഹത്തില്‍ വര്‍ധിച്ചുവരുന്ന അക്രമപ്രവണതകള്‍ക്കും വിദ്വേഷ മനോഭാവങ്ങള്‍ക്കുമെതിരേ കടുത്ത ജാഗ്രത അനിവാര്യമാണെന്നും അധര്‍മവും അക്രമവും പടര്‍ന്നുപിടിക്കാന്‍ വളക്കൂറുള്ള മണ്ണ് ഒരുക്കിക്കൊടുക്കുന്ന സാമൂഹിക സാഹചര്യത്തെ തിരുത്താനും നമുക്കു സാധിക്കേണ്ടതുണ്ടെന്നും എം.പി. അബ്ദുസ്സമദ് സമദാനി പറഞ്ഞു. തിരൂരില്‍ 'ദി കംപാഷന്‍' പരിപാടിയില്‍ സംസാരിക്കുകയായിരുന്നു അദ്ദേഹം.

സംഘാടകസമിതി ചെയര്‍മാന്‍ എം. അബ്ദുല്ലക്കുട്ടി ആധ്യക്ഷനായി. ഹാഫിസ് മുഹമ്മദ് ബാവാ മുഹ്‌യിദ്ദീന്‍ ഖുര്‍ആന്‍ പാരായണം നടത്തി. റഹ്മത്തുന്‍ ലില്‍ ആലമീന്‍ ഇന്‍സ്റ്റിറ്റ്യൂട്ട് ഓഫ് പ്രോഫറ്റിക് സ്റ്റഡീസ് പ്രസിഡന്റ് പി.പി.മുഹമ്മദ് അബ്ദുറഹ്മാന്‍ 'ദ കംപാഷന്‍' പരിചയപ്പെടുത്തി. 2015 ദുബൈ പ്രഭാഷണ സി.ഡി വിശുദ്ധ ഖുര്‍ആന്‍നിശ പ്രകാശനം പി.പി.അബ്ദുല്ല വെട്ടം ആലിക്കോയക്ക് നല്‍കി നിര്‍വഹിച്ചു. വി.കെ ഫൈസല്‍ ബാബു സ്വാഗതവും ഇസ്ഹാഖ് നന്ദിയും പറഞ്ഞു.