ഡല്‍ഹി: വോട്ടിംഗ് യന്ത്രങ്ങളില്‍ നടത്തിയ ക്രമക്കേടാണ് ഹരിയാനയിലെ തെരഞ്ഞെടുപ്പ് തോല്‍വിക്ക് കാരണമെന്നാരോപിച്ച് കോണ്‍ഗ്രസ്. ഇത് ചൂണ്ടികാട്ടി കോണ്‍ഗ്രസ് തെരഞ്ഞെടുപ്പ് കമ്മീഷന് ഇന്ന് രണ്ടാമത്തെ നിവേദനം നല്‍കി. ആദ്യം ഏഴ് മണ്ഡലങ്ങളുമായി ബന്ധപ്പെട്ട് കോണ്‍ഗ്രസ് പരാതി നല്‍കിയിരുന്നു, അതേസമയം ഇന്ന് 13 മണ്ഡലങ്ങളില്‍ കൂടി വോട്ടെണ്ണത്തില്‍ ക്രമക്കേട് നടന്നെന്ന് കാട്ടിയാണ് തെരഞ്ഞെടുപ്പ് കമ്മീഷന് രണ്ടാം നിവേദനം നല്‍കിയത്.

നേരത്തെ ഏഴ് മണ്ഡലങ്ങളിലെ ക്രമക്കേട് വിവരങ്ങള്‍ നല്‍കിയിരിന്നുവെന്നും, ഇന്ന് 13 മണ്ഡലങ്ങളിലെ പുതിയ വിവരങ്ങളാണ് നല്‍കിയതെന്നും കോണ്‍ഗ്രസ് നേതാക്കള്‍ പറഞ്ഞു. മൊത്തം 20 മണ്ഡലങ്ങളിലെ വോട്ടിംഗ് യന്ത്രങ്ങള്‍ അടിയന്തിരമായി സീല്‍ ചെയ്ത് വിശദമായ അന്വേഷണം നടത്തണമെന്നതാണ് കോണ്‍ഗ്രസിന്റെ ആവശ്യം.

The Congress party has submitted a second complaint to the Election Commission, citing irregularities and malpractices in 20 constituencies during the Haryana assembly polls.